Լրահոս

16.07.2015 21:34


Միցուբիշի Պաջեռո» մակնիշի ավտոմեքենան մխրճվել է Վանաձոր քաղաքում գործող «Օրքիդեա» ծաղկի սրահ

Միցուբիշի Պաջեռո» մակնիշի ավտոմեքենան մխրճվել է Վանաձոր քաղաքում գործող «Օրքիդեա» ծաղկի սրահ

2015 թվականի հուլիսի 15-ին՝ ժամը 20:20-ին, ոստիկանության Տարոնի բաժնում ահազանգ է ստացվել, որ մի քաղաքացի Տիգրան Մեծի և Նժդեհի խաչմերուկի ծաղկի խանութի ապակիները ավտոմեքենայով ջարդում է:

Դեպքի կապակցությամբ ՀՀ քննչական կոմիտեի Լոռու մարզային քննչական վարչությունում նյութերի նախապատրաստման ընթացքում պարզվել է, որ 2015 թվականի հուլիսի 15-ին՝ ժամը 20:15-ի սահմաններում, Ա.Հովհաննիսյանը, ուրիշի գույքը ոչնչացնելու դիտավորությամբ, հանրավտանգ եղանակով, իր կողմից վարած «Միցուբիշի Պաջեռո» մակնիշի ավտոմեքենայով մխրճվել է Վանաձոր քաղաքի Տիգրան Մեծի 26 հասցեում գտնվող, «Օրքիդեա» ծաղկի սրահ, ոչնչացրել հիշյալ սրահի մուտքի երկփեղկ դռները և ապակիները։ Նախնական տվյալներով՝ պատճառված վնասը կազմում է մոտ 2.000.000 ՀՀ դրամ:

Դեպքի առթիվ ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 185-րդ հոդվածի 2-րդ մասի 1-ին և 2-րդ կետերի հատկանիշներով, Ա.Հովհաննիսյանը նշված արարքը կատարելու կասկածանքով ձերբակալվել է:

Նախաքննությունը շարունակվում է։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ քննչական կոմիտեի դեպարտամենտի

տեղեկատվության և հասարակայնության հետ
կապերի
բաժին

Այս խորագրի վերջին նյութերը