Լրագրողների հետ հանդիպման ժամանակ «Հանուն կայուն մարդկային զարգացման» ասոցիացիայի  նախագահ, ՄԱԿ-ի բնապահպանական ծրագրի ազգային կոմիտեի նախագահ, Հանրային խորհրդի անդամ Կարինե Դանիելյանը նշել է, որ չնայած այն հանգամանքին, որ վերջին ժամանակներս Սևանում դրական տեղաշարժ է գրանցվել, և ջրի մակարդակը բարձրանում է, այնուամենայնիվ, բնապահպանական առաջնային խնդիրը Հայաստանում Սևանն է։

Նա նշել է, որ ՀՀ-ի տարածքը բավական փոքր է, և հանքարդյունաբերությունն ու երկրի ընդերքի պաշարների օգտագործումը բնապահպանական մեծ վնասներ են հասցնում։

-Ասում ենք՝ զարգացնենք տուրիզմը, բայց դրա հետ մեկտեղ նոր հանքահորեր ու պոչամբարներ են ստեղծվում, դրանք ուղղակի անհամատեղելի են մեզ պես փոքր երկրի համար,-ասել է նա։

Կարինե Դանիելյանը նաև ասել է, որ իրենց կազմակերպությունն ուսումնասիրել է Երևանի, Հրազդանի և Գյումրու օդի մաքրությունը և գրանցվել է, որ Երևանում օդը միջին աղտոտվածություն ունի, Հրազդանում  և Գյումրիում՝ մի քիչ ավելի քիչ՝ կապված այնտեղի գործարանների պարբերական գործարկման հետ,-նշել է նա։

7or.am