Ինչպես տեղեկացնում է «АПА» գործակալությունը, Ադրբեջանի նախագահ Իլհամ Ալիևը Աստանայում ընթացող ԵԱՀԿ գագաթնաժողովի ժամանակ ղարաբաղյան հակամարտության վերաբերյալ  ելույթ է ունեցել։

-Պատմականորեն և  միջազգային մակարդակով ընդնունված է, որ Լեռնային Ղարաբաղը Ադրբեջանի տարածքն է,-ասել  է նա։

Իլհամ Ալիևը հայտարարել է, թե իբր Հայաստանը նախընտրում է հակամարտության ծավալման ճանապարհը։

-Հայաստանը նախընտրում է գնալ հակամարտության ծավալման ճանապարհով, խախտում է հրադադարի կարգը, զորավարժություններ է անցկացնում գրավյալ տարածքներում, փոխում է տարածքների պատմական անվանումները։ Սա հիմք է տալիս մտածելու, որ Հայաստանն ուզում է պահպանել «ստատուս քվոն» և բանակցությունները վերածել անիմաստ գործընթացի,-ասել  է նա։