Սովորաբար սիրահար զույգերը նախընտրում են ամուսնանալ այն օրը, երբ  3 թվերը համընկնում են։ Սակայն աստղաբան-էզոթերիկ Գուրգեն Հովհաննիսյանը զգուշացնում է, որ զույգերը չշտապեն և հրաժարվեն 2010թ. 10-րդ ամսի 10-րդ օրն ամուսնանալու մտքից։

-Այլապես դա շատ դժվար հետևանքներ կստեղծի իրենց ամուսնական կյանքի ընթացքում, որովհետև 1-ն արագ որոշումների թիվն է, կրակային բնույթ ունի, և կարող է այդ զույգը կործանվի։ 2 տարվա ընթացքում այդ զույգը կարող է  հարվածներին չդիմանալ, այսինքն՝ ամուսնալուծվել,-«7օր»-ին ասել է Գ. Հովհաննիսյանը։

Աստղաբան-էզոթերիկը 10.10.2010թ. ամուսնանալ խորհուրդ է տալիս միայն այն զույգերին, ովքեր երկար տարիներ միասին են, իրար բավական լավ են ճանաչում, հետևաբար և ամուսնության որոշումը հապշտապ չեն կայացրել.

-Նրանց խորհուրդ կտամ այդ օրն ամուսնական կապը հաստատեն, որովհետև այդ շրջանն Այծեղջյուրի ազդեցության տակ է գտնվում, իսկ այծեղջյուրը հիմնականում կարգուգանոնի, հաստատակամության ու չսխալվելու նշանն է։ Հետևաբար, աստղաբանները կարող են հաստատել, որ այդ օրն ամուսնացած իրար համապատասխանող զույգն առնվազն 18 տարի միասնական և երջանիկ կյանքով կապրի։

7or.am