Լրահոս

16.09.2015 15:15


Ջուր խնդրելու պատրվակով մտել է բնակարան ու հափշտակել դրամապանակը (լուսանկարներ)

Ջուր խնդրելու պատրվակով մտել  է բնակարան ու հափշտակել դրամապանակը (լուսանկարներ)

ՀՀ քննչական կոմիտեի Երևան քաղաքի Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ քաղաքացու դրամապանակը բնակարանից հափշտակելու դեպքի առթիվ, որի շրջանակներում միջոցներ են ձեռնարկվում՝ պարզելու առերևույթ հանցագործություն կատարած անձի ինքնությունը։

Դեպքը տեղի է ունեցել 2015 թվականի օգոստոսի 13-ին: Առերևույթ հանցագործություն կատարած անձը ջուր խնդրելու պատրվակով ապօրինի մուտք է գործել Երևան քաղաքի բնակարաններից մեկը և նախասրահում գտնվող պահարանից հափշտակել դրամապանակ, որի մեջ եղել է 2 հատ բանկային քարտ, ապա՝ գողացված բանկային քարտով բանկոմատից կանխիկացրել գումար:

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1.1 կետով:

Նախաքննության ընթացքում բանկից ստացվել են գողացված քարտով գործարք կատարած անձանց լուսանկարները:

Քրեական գործով բազմակողմանի, օբյեկտիվ և լրիվ նախաքննության իրականացումն ապահովելու համար միջոցներ են ձեռնարկվում՝ լուսանկարում պատկերված անձանց հայտնաբերելու ուղղությամբ։

Ովքեր ճանաչում են լուսանկարներում պատկերված անձանց կամ որևէ տեղեկություն ունեն նրանց ինքնության կամ գտնվելու վայրի մասին, խնդրում ենք հայտնել ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին կամ ոստիկանության մոտակա բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ քննչական կոմիտեի դեպարտամենտի

տեղեկատվության և հասարակայնության
հետ կապերի բաժին


Այս խորագրի վերջին նյութերը