ՀՀԿ  ակտիվիստները  համառորեն շարունակում  են  զբաղվել  «բարեգործությամբ» և,  օրենքին  հակասող  այդ  գործունեությունը, գրեթե  ամեն  օր, ցուցադրում  են  «Հայլուր»  հանրային ծրագրով:

Այսինքն, օգտվելով, մեր  ընտրություններով իբր շահագրգիռ  միջազգային  կազմակերպությունների  և ընտրական իրավունքի  նպատակասլաց  պայքարից  մեկուսացած  ՀՀ    «ընդդիմության»  գործունեությունից, ՀՀԿ  գործիչները  ոչ  միայն  վայելում են  իրենց  «լեգիտիմությունն», այլև  անթաքույց  նոր  միջոցներ  են  փորձարկում  գալիք  ընտրությունների  համար:    

Ակնհայտ  է  նաև, որ  ՀՀԿ-ները վաղուց  են  անցել  այն  գիծը, որը  կոչվում  է «չափ  ու  սահման»: Տարիներ  շարունակ,  ՀՀԿ  այսօրվա  ղեկավարի  սահմանադրական  կարգի  խախտումները  դրա  վառ  ապացույցն  են:

  Հնարավորություն  չունենալով  լիարժեք  ճակատ  ստեղծել  ՀՀԿ  ապօրինությունների  կանխման  և  դրանց  հետևանքների  վերացման  համար  մեր  կյանքի  բոլոր  ոլորտներում,

  ընդունելով  ընտրական  և  դրանց  առնչվող  գործընթացների  գերակա  ազդեցությունը  վերջիններիս  վրա,

  հասկանալով  ՀՀԿ  և  նրա  ղեկավարի  այսօրվա  դերը  երկրի  քաղաքական  և  տնտեսական  կյանքում,

անիմաստ  համարելով  շարունակել  ընտրախախտների  դեմ  պայքարի  նախորդ  անարդյունք միջոցները

ն  ա  խ  ա  ձ  ե  ռ  ն  ու  մ      ե  ն  ք

մեր  կանոնադրական  նպատակների  շրջանակներում, ստեղծել  «ընդդեմ  ՀՀԿ ապօրինությունների» համահայկական  կոմիտե, որի  հիմնական  նպատակն  է  հայաստանցու  ընտրական  իրավունքի պաշտպանությունը  ՀՀԿ  և  նրա  աջակիցների  ապօրինություններից:  

  Այդ  կապակցությամբ, առաջարկություններ  ենք  ներկայացվելու  Հայաստանի  և  սփյուռքահայ    որոշ  կազմակերպություններին, ԶԼՄ-ներին  և  գործիչներին, ինչպես  նաև,   միջազգային  սուբյեկտներին:

  Կոմիտեի  ձևավորմանը  զուգահեռ  կնախապատրաստվի  նրա  գործունեության  ծրագրի  նախագիծը:

Հայաստանի  Պառլամենտարիզմի  Կենտրոն   /ՀՊԱԿ/  նախագահ

Ռ.Թորոսյան