Գրիպի և սուր շնչառական վարակների համաճարակային իրավիճակը հանրապետությունում համեմատաբար հանգիստ է

ՀՀ առողջապահության նախարարության փոխանցմամբ՝ ամսական մոնիտորինգի արդյունքներով նախորդ տարվա համեմատ հունվար-հոկտեմբեր ամիսներին սուր շնչառական վարակների հիվանդացությունը նվազել է 1,3 անգամ, հաստատված գրիպի հիվանդացությունը' 4 անգամ:

Գրիպի և սուր շնչառական վարակների սեզոնի սկզբի հետ կապված հանրապետությունում իրականացվում է շաբաթական մոնիտորինգ, որի տվյալներով 2010թ. անցած շաբաթվա ընթացքում արձանագրված  գրիպի և սուր շնչառական վարակների հիվանդացության ցուցանիշներն անցյալ տարվա նույն ժամանակահատվածի համեմատ նվազել են, մասնավորապես' ընհանուր հիվանդացությունը  նվազել է  5,4  անգամ, 0-14 տարեկանների տարիքային խմբում' 4.9 անգամ, իսկ 14 տարեկանից բարձր տարիքային խմբում' 3 անգամ:

Մանկական նախադպրոցական և դպրոցական կազմակերպություններում, իրականացվում է ամենօրյա մոնիտորինգ' սուր շնչառական վարակների կանխարգելման տեսակետից: