Լրահոս

30.09.2015 13:04


Քննչական կոմիտեն Սյունիքի մարզպետի որդու խափանման միջոցը փոխելու միջնորդություն է ներկայացրել

Քննչական կոմիտեն Սյունիքի մարզպետի որդու խափանման միջոցը փոխելու միջնորդություն է ներկայացրել

ՀՀ քննչական կոմիտեն միջնորդություն է ներկայացրել ՀՀ դատախազություն՝ Գորիսի «Սդղի գյոլ» կոչվող տարածքում մայիսի 2-ին տեղի ունեցած վիճաբանության հետ կապված քրեական գործով որպես մեղադրյալ ներգրավված Սյունիքի մարզպետի որդի Տիգրան Խաչատրյանի խափանման միջոցը փոխելու մասին: Քննչական կոմիտեն հիմնվել է տուժող կողմի նոր ցուցմունքների հիման վրա:

«Այս միջնորդության մասին ինձ զեկուցել են այսօր: Քրեական գործը վերահսկող դատախազը քննարկելու է այդ միջնորդությունը, որից հետո նա կկայացնի համապատասխան որոշում»,-«Արմենպրես»-ի հաղորդմամբ` լրագրողների հետ զրույցում հայտնել է ՀՀ գլխավոր դատախազ Գևորգ Կոստանյանը:

Վերջին շրջանում ԶԼՄ-ներում շրջանառվող լուրերի համաձայն` վերոնշյալ քրեական գործով տուժող ճանաչված Հարություն Զաքարյանը նոր ցուցմունք է տվել, թե իրեն Տիգրան Խաչատրյանը ծեծի չի ենթարկել:

Ավելի վաղ՝ սեպտեմբերի 16-ին, քննիչը Սյունիքի մարզպետ Սուրիկ Խաչատրյանի որդու՝ Տիգրան Խաչատրյանի կալանավորման ժամկետը երկարաձգելու մասին դիմում էր ներկայացրել Արաբկիր Քանաքեռ-Զեյթուն վարչական շրջանների ընդհանուր իրավասության դատարան, որը բավարարվել էր:

Մանրամասները՝ «Արմենպրես»–ում։

Այս խորագրի վերջին նյութերը