Ուշագրավ դեպք է տեղի ունեցել Մեծ Բրիտանիայում: Ինչպես տեղեկանցում է «BBC»-ն, իրավապահ մարմինները ձերբակալել են Սթեֆան Ռիգո անունով ցանցահենին, ով վնասակար «BlackShades» ծրագրային հավելվածի օգնությամբ մուտք էր ստանում դեպի ծանոթների վեբ-տեսախցիկներ և դիտում նրանց սեռական գործողությունները:

Նշվում է, որ ծրագիրն աշխատում էր այն պարագայում, երբ հանցագործության զոհերի համակարգիչների վրա միացրած էր «Skype»-ը:

Դատաքննության արդյունքում պարզվել է, որ ցանցահենը մուտք է ստացել դեպի 14 համակարգիչ, որոնցից 7-ը պատկանում էր նրա ծանոթներին: Հանցագործը դատապարտվել է 20 շաբաթվա ազատազրկման, ինչպես նաև 200 ժամվա պարտադիր ուղղիչ աշխատանքների:

7or.am