Ռուսաստանի հայերի միության նախագահ Արա Աբրահամյանն այսօր լարգրողներին հայտնել է, որ պատրաստվում է իր ֆինանսական միջոցներով կուսակցություն ստեղծել։

–Իշխանափոխության չենք գնում։ Գնում ենք մասնակցելու խորհրդարանական ընտրություններին։ Որևէ մեկին չենք քննադատելու։ Մենք դա անում ենք բոլորի համար։ Կտեսնեմ՝ եթե կա համապատասխան թիմ, կառույցներ, կգնանք խորհրդարանական ընտրությունների։ Ես չեմ կարող հանգիստ լինել, երբ տեսնում եմ, թե երկրում ինչ է կատարվում,–ասել է նա։

Աբրահամյանը նաև նշել է, որ իր այս ծրագրերի մասին հայտնել է Սերժ Սարգսյանին, ով էլ ասել է. «Եթե այդպիսի ծրագրեր ունես, իրականացրու»:

Նա նաև չի բացառել, որ ընտրություններին կմասնակցի ոչ թե սեփական կուսակցությամբ, այլ մեկ այլ քաղաքական ուժի հետ։

7or.am