ԵՄ–ն հրապարակել է Թուրքիայի վերաբերյալ զեկույցը

● Աշխարհ

10.11.2015 ● 15:55

ԵՄ–ն հրապարակել է Թուրքիայի վերաբերյալ զեկույցը

ԵՄ հարևանության և ընդլայնման քաղաքականության հարցերով հանձնակատար Յոհաննես Հանը հրապարակել է Թուրքիայի վերաբերյալ զեկույցը։ Այս մասին հայտնում է «Հուրրիեթ»–ը։

ԵՄ-ին անդամակցելու հարցում Թուրքիայի առաջընթացի մասին զեկույցի հրապարակումը հետաձգվել էր մինչև այդ երկրում խորհրդարանական ընտրությունների ավարտը:

Զեկույցում նշված է, որ Թուրքիայում բարեփոխումների տեմպերը նվազել են, մարդու իրավունքներին ու հիմնարար ազատություններին ուղղված ջանքերն անբավարար են, առկա են բռնության դեպքեր։

Հանը նշել է, որ նախորդ տարի Թուրքիայում լուրջ բացթողումներ են եղել, ոտնահարվել են հավաքների ու խոսքի ազատությունը, դատարանների անկախությունը, աճել են լրագրողների հանդեպ բռնության դեպքերը, և մեծացել է վախի մթնոլորտը։