ՌԴ ԱԳՆ պաշտոնական ներկայացուցիչ Մարիա Զախարովան լրագրողների հետ հանդիպմանն անդրադարձել է Հայաստան Սերգեյ Լավրովի այցի ժամանակ որոշ լրատվամիջոցների կողմից նրան վերագրվող հայտարարություններին՝ կապված ԼՂ–ի ազատագրված տարածքները վերադարձնելու հետ։

Զախարովան նախ նշել է, որ ոչինչ չի կարող ավելացնել ՌԴ ԱԳ նախարարի խոսքերին, որոնք հնչել են Երևանում կայացած մամուլի ասուլիսի ժամանակ։

«Նա մանրամասն կանգ է առել քննարկված հարցերի վրա, նաև՝ ղարաբաղյան կարգավորման գործընթացի: Կարծում եմ, որ պետք չէ սրել իրավիճակը։ Պետք է հիմնվել սկզբնաղբյուրի՝ նախարար Լավրովի խոսքերի վրա, որոնք ամբողջությամբ հրապարակվել են մեր կայքում»,- հավելել է Զախարովան:

Նա ընդգծել է, որ ԼՂ խնդրի կարգավորման հարցում սերտորեն համագործակցում են թե՛ Հայաստանի, թե՛ Ադրբեջանի իրենց գործըկերների հետ, և որևէ բան չեն անի, որը կարող է վնասել երկու կողմերին:

«Մենք բազմիցս հրապարակայնորեն հաստատել ենք մեր մոտեցումները ԼՂ կարգավորման հարցում, և դրանք անփոփոխ են։ Ես միայն կարող եմ ևս մեկ անգամ հաստատել դրանք»,-նշել է նա:

7or.am