Սահմանադրական փոփոխությունների հանրաքվեում դիտորդական առաքելություն են իրականացրել նաև Դեմոկրատական ընտրությունների եվրոպական պլատֆորմի (EPDE) ներկայացուցիչները։

500 տեղամասում ներկա է եղել 700 դիտորդ։

Այսօր հրավիրված ասուլիսում EPDE–ի ներկայացուցիչ Լենե Վեթելանդը հայտնել է, որ լուրջ ճնշումներ են եղել դիտորդների նկատմամբ։

–Ոչ միայն ահաբեկում, այլև ֆիզիկական հարձակումներ։ Պայմանավորված ընտրախախտումների և հանցագործությունների մեծ թվով՝ ներառյալ ընտրողների ահաբեկումը, արձանագրությունների կեղծումը և քվեատուփերի լցոնման մասին բազմաթիվ հայտարարությունները, համարում ենք, որ այս հանրաքվեի արդյունքները չեն արտացոլում հայ քաղաքացիների կամքը և չպետք է համարվեն լեգիտիմ: Մենք շատ հիասթափված ենք, թե ինչպես անցկացվեցին նախընտրական քարոզչությունը և բուն հանրաքվեն: Հանրապետական կուսակցության վստահված անձանց և հանձնաժողովների ներկայացուցիչների կողմից շատ էին ահաբեկման դեպքերը,–նշել է Լենե Վեթելանդը:

7or.am