Քաղաքական

07.12.2015 13:45


ՀԱԿ խմբակցությունը բոյկոտել է ԱԺ նստաշրջանը (տեսանյութ)

ՀԱԿ խմբակցությունը բոյկոտել է ԱԺ նստաշրջանը (տեսանյութ)

ԱԺ այսօրվա նիստում ՀԱԿ խմբակցության ղեկավար Լևոն Զուրաբյանը հայտարարել է, որ համաձայն ԱԺ կանոնակարգ օրենքի՝ ՀԱԿ խմբակցությունը հայտարարում է այս նստաշրջանի աշխատանքների բոյկոտի մասին։

–Ստեղծված վիճակում մենք չենք կարող նստել նույն դահլիճում և սովորականի պես գործ անել: Բոյկոտի պատճառը հայ ժողովրդի կամարտահայտության ամոթալի ոտնահարումն է, որ տեղի ունեցավ երեկ, երբ ընտրակեղծարարության և օրինախախտումների ամբողջ զինանոցի կիրառմամբ կեղծվեց սահմանադրական հանրաքվեն: Տեղի են ունեցել զանգվածային լցոնումներ, բռնություններ, ահաբեկումներ, ընտրակաշառքի բաժանում,–հայտարարել է Լ. Զուրաբյանը:

Խոսքը շարունակել, սակայն, նա չի կարողացել, քանի որ ԱԺ նախագահ Գալուստ Սահակյանն անջատել է ՀԱԿ խմբակցության ղեկավարի խոսափողը։

«Մենք հակառակ տեսակետն ունենք»,–հակադարձել է Գ. Սահակյանը։

7or.am

Այս խորագրի վերջին նյութերը