Լրահոս

24.11.2009 17:24


ԲՀԿ–ն դուրս կգա՞ կոալիցիայից

 «Ժառանգություն» կուսակցության վարչության նախագահ Արմեն Մարտիրոսյանը լրագրողների հետ հանդիպման ժամանակ անդրադառնալով ԲՀԿ-ի՝ Երևանի ավագանու կազմից դուրս գալու հավանականությանը՝ ասել է, որ չի կարծում, թե այդպիսի գործընթաց տեղի կունենա։

-Դժվար թե մանդատը վայր դնեն, որովհետև, ըստ տրամաբանության, դա կնշանակի, որ հաջորդ պահին նրանք  նաև պետք է կոալիցիայից դուրս գան, բայց սցենարի հավանականությունը շատ քիչ եմ տեսնում, որովհետև ի սկզբանե ԲՀԿ-ն եղել է իշխանական դաշտում գործող միավոր և ամբողջովին սատարել այն բոլոր գործընթացները, որոնք տեղի են ունեցել մինչ այժմ, և չեմ կարծում, որ ԲՀԿ-ն դուրս գա իշխանության դաշտից և դառնա ընդիմություն. դա անհավանական է,-ասել է նա։

Այն հարցին, թե նա կուզենա՞ր ԲՀԿ-ին տեսնել ընդդիմադիր թևում, Արմեն Մարտիրոսյանը պատասխանել է, որ յուրաքանչյուր քաղաքական ուժ ինքն է որոշում իր ուղղությունը։

-Ընդդիմադիր դաշտը, բարեբախտաբար, առաձգական դաշտ է,  ու ցանկացած քաղաքական ուժ, որը ցանկություն ունի ընդդիմադիր դառնալու, շատ հանգիստ կարող է դառնալ՝ ի տարբերություն իշխանական դաշտի, որը ռեսուրսների շուրջ է համախմբված, իսկ դա, բոլորիս հայտնի է, որ սահմանափակ է,-նշել է նա։

7or.am

Այս խորագրի վերջին նյութերը