Քաղաքական տեխնոլոգիաների PR մասնագետ Արմեն Բադալյանը «7օր»-ին ասել է, որ եթե ֆորսմաժորային զարգացումներ չլինեն, և հետագա գործընթացները շարունակվեն այսօրվա պես, ապա Հայաստանում արտահերթ ընտրություններ չեն լինի, իսկ 2012թ. խորհրդարանական ընտրությունների ժամանակ հիմնական խաղացողները կլինեն 3-ը.

-Քաղաքական հիմնական դերակատարները պետք է լինեն 3 ուժեր՝ ՀՀԿ, ԲՀԿ և ՀԱԿ։ ՕԵԿ-ն- ու ՀՅ Դաշնակցությունն արդեն դուրս են եկել քաղաքական բեմից։

PR մասնագետը նաև կարծում է, որ հաջորդ ընտրությունների որակը մեծապես կախված կլինի հայ-թուրքական սահմանի բացումից և ղարաբաղյան հիմնահարցի կարգավորումից։ Եթե այդ երկու խնդիրները լուծվեն, ապա ըստ Ա. Բադալյանի՝ միջազգային ուժերը կսկսեն շատ ավելի մեծ ուշադրություն դարձնել Կովկասին և աչք չեն փակի հնարավոր խախտումների վրա։

7or.am