ՀՀ առողջապահության նախարարության մամլո քարտուղար Շուշան Հունանայանը «7օր»-ի հետ զրույցում խոսելով  A/H1N1 գրիպով հիվանդի մահվան դեպքի մասին՝ ասել է, որ առողջապահության նախարար  Հարություն Քուշկյանը պաշտոնապես այդ հարցի մասին խոսել է  «Արմենպրես» գործակալության հետ։

Ըստ «Արմենպրես»-ի՝ նախարարը  հաստատել է, որ A/H1N1 գրիպի ախտանշաններով մեկ հիվանդ մահացել է, բայց և հավելել է, որ մահվան պատճառը ոչ թե այդ գրիպն է եղել, այլ խրոնիկական հիվանդությունները։

- Եթե հաստատվի, որ դա այլ տիպի գրիպ է, մենք այդ մասին կտեղեկացնենք: Նրա հիմնական հիվանդությունը, սակայն, եղել է խրոնիկական։ Այս պահին որևէ տագնապալի բան չունենք. ամեն ինչ վերահսկվում է, և ես հույս ունեմ՝ այդպես էլ կշարունակվի,-նշել է Հարություն Քուշկյանը:

7or.am