«Ֆուտբոլային» դիվանագիտությունը մեծացրել է պատերազմի հավանականությունը

Մեր ունեցած տեղեկություններով՝ Սոչիում կայացած Սերժ Սարգսյան, Դմիտրի Մեդվեդև, Իլհամ Ալիև եռակողմ հանդիպման ժամանակ քննարկված ղարաբաղյան հակամարտության փաստաթղթին առաջին անգամ  ադրբեջանական կողմը համաձայնություն է տվել։ Այդ քայլը բավական շոկային է եղել Սերժ Սարգսյանի համար, ում մարտավարությունը մինչ այդ եղել է հետևյալը՝ համաձայնել համանախագահների բոլոր առաջարկներին այն հաշվարկով, որ Իլհամ Ալիևը չի համաձայնի որևէ փաստաթղթի, որտեղ նույնիսկ տեսականորեն խոսք կգնա Լեռնային Ղարաբաղի ինքնորոշման մասին։ (շարունակել →)

«Ռոք և քաղաքականություն»

«7օր»-ը հյուրընկալել է «Օքսենհեմ» ռոք խմբի անդամ Վահագն Պապայանին և «Բամբիռ» ռոք խմբի անդամ Արիկ Գրիգորյանին

-Դասական ձևակերպմամբ՝ ռոքն ինքնարտահայտման, ընդվզման նման մի բան է։ Հայաստանո՞ւմ ռոքն ինչպիսին է։

Վահագն Պապայան - Ամենաբնորոշ ձևակերպմամբ՝ չիրականացած հնարավորությունների երաժշտություն, որովհետև պոտենցիալն ու հնարավորությունները, ստեղծագործական ստիմուլները չեն զուգակցվում ավելի նյութական ստիմուլների հետ. ստեղծագործական պլանների մեծ մասն այդպես էլ մնում է, այսպես ասած, դարակում, ու շատ խմբեր իրենց կարճ գոյության ընթացքում հիմնականում կարճ շրջան մեծ ակտիվությունից հետո միանգամից անկում են ապրում, ու ներքին խնդիրներ են առաջանում, այսինքն՝ ստեղծագործական կրիզիսը, որ կլասիկ ռոք խմբերի մոտ 10-15 տարի հետո է լինում, հայկական խմբերի մոտ լինում է հիմնականում 2-3 ակտիվ, բուռն տարիներից հետո։ (շարունակել →)

«Եվրո-2012». Հայաստանը հայտնվել է «B» խմբում

Վարշավայում տեղի ունեցավ ֆուտբոլի «Եվրո-2012»-ի ընտրական փուլի վիճակահանությունը: Տեղեկացնենք, որ Հայաստանի ընտրանին 5-րդ զամբյուղում էր, որտեղ ընդգրկված էին նաև Մոնտենեգրոյի, Ալբանիայի, Մակեդոնիայի, Էստոնիայի, Վրաստանի, Մոլդովայի, Իսլանդիայի և Ղազախստանի հավաքականները: Ուշագրավ է, որ Հայաստանն ու Ադրբեջանը կարող էին հայտնվել  միևնույն խմբում, սակայն ինչպես նախօրոք հայտարարվել էր, ՈՒԵՖԱ-ն նման բան թույլ չի տալու: Արդյունքում մեր ընտրանին տեղափոխվեց B խումբ:

Մեր ընտրանու մրցակիցներն են լինելու Ռուսաստանի, Սլովակիայի, Իռլանդիայի, Մակեդոնիայի և Անդորրայի հավաքականները: (շարունակել →)

«Euronews»-ը հեգնե՞լ է Ալիևին

«Euronews» հեռուստաընկերությանը տված հարզազրույցում Ադրբեջանի նախագահ Իլհամ Ալիևի ինքն իրեն գցել է անհարմար դրության մեջ։ Խոսելով ղարաբաղյան հակամրտության կարգավորման գործընթացի մասին՝ նա ասել է, այն ինչ միշտ ասել է։ Սակայն, երբ խոսքը գնացել է Ադրբեջանի ներքին կյանքի մասին Ալիևը ակնհայտորեն խառնվել է՝ հայտնվելով զավեշտալի իրավիճակում։ Ստորև բերում ենք հարցազրույից հատվածներ.

Euronews-2009թ. սահմանադրական հանրաքվեի ժամանակ Ադրբեջանում վերացել է նախագահի պաշտոնավարման ժամկետների արգելքը։ Դուք ուզում եք հավերժ մնալ իշխանությա՞ն։

Ի. Ալիև-Գիտեք դա չէր արվել…ինչ-որ անձնական նկատառումներով։ Նման փորձ կա աշխարհի շատ երկրներում։ (շարունակել →)

Մասսայական կրճատումներ Գյումրիո՞ւմ

Գյումրու ավագանին նախորդ օրը հաստատել է 2010 թ. համայնքային բյուջեն, որը կազմում է 3 մլրդ 373 մլն դրամ: 2009-ի համեմատ այս տարվա բյուջեի գումարները պակասել են 363 մլն-ով, իսկ պատճառն, ըստ քաղաքապետի, այն է, որ նախորդ տարվա բյուջեի եկամուտները ծրագրի համեմատ կատարվել են 77 տոկոսով, կամ բյուջե պակաս է մուտքագրվել 497.5 մլն դրամի եկամուտ։

Համայնքային բյուջեի հաստատման օրերին քաղաքապետարանի ենթակայության տակ գտնվող մանկապարտեզներից, երաժշտական և սպորտային դպրոցներից ահազանգեր են ստացվում, որ իրենց հիմնարկություններում մասսայական կրճատումներ են տեղի ունենում քաղաքապետարանի ֆինանսական խնդիրների պատճառով: (շարունակել →)

Եվրատեսիլ-2010. հայաստանյան մրցույթի եզրափակչի մասնակիցները

Նորվեգիայի մայրաքաղաք Օսլոյում կայանալիք «Եվրատեսիլ-2010» երգի եվրոպական մրցույթի հայաստանյան նախընտրական փուլի կանոնների համաձայն՝ Հայաստանի հանրային հեռուստաընկերության գեղարվեստական խորհուրդը ներկայացված 30 երգից ընտրել է 10–ը, որոնք հանդիսատեսի կներկայացվեն փետրվարի 14-ին, Հ1–ի ուղիղ եթերում։

Այսպես ուրեմն, փետրվարի 11-ին ժամը 23:00-ին Առաջին ալիքի ուղիղ եթերում կկայանա հեռուստատեսային փուլի 10 մասնակից երգերի հերթականության վիճակահանությունը։ Եզրափակիչ փուլ անցած մասնակիցների ցանկը ներկայացված է ըստ այբբենական կարգի։ (շարունակել →)

Դարձյալ «ձմեռեց» քաղաքում

«Հայաստանի ավտոմոբիլային ճանապարհների տնօրինություն» ՊՈԱԿ-ից այսօր առավոտյան «7օր»-ին տեղեկացրել են, որ թեև Հայաստանի Հանրապետության որոշ հատվածներում, լեռնանցքներում բուք է, իսկ ավելի մեծ տարածքներում առատ ձյուն է տեղում, սակայն լեռնանցքները, պետական, միջպետական ճանապարհները բաց են։ (շարունակել →)

Ինչո՞ւ է հրաժարական տվել «Հայլուրի» ղեկավարը

Երեկ հայտնի դարձավ, որ հրաժարական է տվել Հանրային Հեռուստատեսության «Հայլուր» լրատվական ծրագրի ղեկավար Հարություն Հարությունյանը: Ըստ պտտվող լուրերի՝ հրաժարականը պայմանավորված է աշխատանքային որոշակի տարաձայնություններով, մասնավորապես անցանկալի լուրերի եթեր հեռարձակմամբ։

Սակայն այս վարկածը հերքել է Հ. Հարությունյանը։ Նա նշել է, որ իր հրաժարականը որևի կոնֆլիկտի արդյունք չէ։ Հ. Հարությունյանը հայտնել է, որ հրաժարականից հետո որոշ ժամանակ հանգստանալու է, այնուհետև որոշելու անելիքները: (շարունակել →)

Թող մեկնաբանեն նրանք, ովքեր կասկածում են…

Արեգնազ Մանուկյան. Բազմիցս է կարծիք հնչել, որ Սերժ Սարգսյանը ՀՀ նախագահ դառնալուց և հատկապես «ֆուտբոլային» դիվանագիտությունը նախաձեռնելուց հետո գոնե մի դրական բան արեց Հայաստանի համար՝ «մաքրեց» քաղաքական դաշտը։ Այդուհանդերձ, դեռ ակտուալ է մնացել և հատկապես վերջին օրերին բուռն քննարկման թեմա է դարձել, թե ով է իրական ընդդիմությունը, և ընդդիմադիր որ ուժն է կառուցողական կամ ապակառուցողական։

Հարցի պատասխանները փորձեցինք ստանալ խորհրդարանական բոլոր խմբակցությունների ներկայացուցիչներից։ Սակայն ոչ բոլորը համաձայնեցին կոնկրետ անուններ նշել։ (շարունակել →)

Ծեծկռտուք Թուրքիայի խորհրդարանում. «Ի՞նչ իրավունք ունես կնոջս անունը տալու»

Երեկ Թուրքիայի խորհրդարանում տեղի է ունեցել ծեծկռտուք։ Միջադեպի պատճառ են դարձել «Ազգային անկախություն» կուսակցության պատգամավոր Օսման Դուրմուշի կողմից վարչապետ Ռեջեփ Թայիփ Էրդողանի և նրա տկնոջ հասցեին արված աննրբանկատ արտահայտությունները։

«Hurriyet»-ը գրում է, որ Էրդողանի կնոջն արգելել են մասնակցել GATA-ի նիստին, քանի որ վերջինս գլխաշորով էր։ «Էրդողանն ինքն իրեն Մարգարե է անվանում։ Ի՞նչ Մարգարե է նա, եթե նրա կնոջը չեն թողնում նիստի մասնակցել»,-հայտարարել է Դուրմուշը։ Ի պատասխան՝ իշխող կուսակցության պատգամավորները տեղերից վանկարկել են. «Դադարեցրու՛ անամոթությունը»։ «Չփորձե՛ս տալ մեր ղեկավարի անունը»։ (շարունակել →)

Թեհրանում հայ–թուրքական հարաբերությունների թեմայով խորհրդաժողով է տեղի ունեցել

Ինչպես տեղեկացնում է Իրանի մայրաքաղաք Թեհրանում լույս տեսնող «Ալիք» հայալեզու օրաթերթը (www.alikonline.com), Հայկական հարցերի ուսումնասիրության կենտրոնի (ՀՈՒՍԿ) նախաձեռնությամբ տեղի է ունեցել խորհրդաժողով՝ «Հայ–թուրքական հարաբերությունները՝ վերջին իրադարձությունների լույսի ներքո» թեմայով։

Զեկույցներով հանդես են եկել սփյուռքը ներկայացնող հայկական հարցերով զբաղվող կառույցների ներկայացուցիչներ, ինչպես նաև Հայաստանից ժամանած (շարունակել →)

Ապրիլի 22-ը վերջնաժամկե՞տն է

Հայ-թուրքական արձանագրությունների վավերացման ողջամիտ ժամկետների մասին խոսելիս թուրքագետ Արտակ Շաքարյանը «7օր»-ին ասել է, որ նման փաստաթղթերում ընդհանրապես ողջամիտ ժամկետներ նշում են ձգձգումներն արդարացնելու նպատակով, և դրանք հասկանալու համար պետք է նմանատիպ գործընթացներում ողջամիտ ժամկետներն ուսումնասիրել որպես նախադեպեր։

-Ըստ իս’ այս գործընթացում ապրիլի 22-ը վերջնաժամկետն է,- նշել է նա։  (շարունակել →)

Գագիկ Ծառուկյան. «Ուրիշ…»

Փետրվարի 1-ին՝ ՀՀ ԱԺ 4-րդ գումարման 7-րդ նստաշրջանի մեկնարկի օրը, «Բարգավաճ Հայաստան» կուսակցության նախագահ Գագիկ Ծառուկյանը խորհրդարանում պատասխանել է լրագրողների հարցերին.

-Ինչո՞ւ է հրաժարական տվել Սպորտի նախարար Արմեն Գրիգորյանը:

-Այդ հարցը կարող եք նախարարին տալ: Ուրիշ:

-Ասում են, որ նախարարի հրաժարականի պատճառը գումարների յուրացումն է, և Դուք անձամբ պատժել եք նրան:

-Ես այդպիսի բանից տեղյակ չեմ: Դուք նախարարից հարցրեք, ինքը բարի կլինի, ձեր հարցին կպատասխանի: (շարունակել →)

Սկսվեց…

Այսօրվանից՝ փետրվարի 1-ից, մեկնարկեցին Ազգային ժողովի չորրորդ գումարման յոթերորդ նստաշրջանի աշխատանքները։ Փետրվարի 1-4-ի քառօրյա նիստի օրակարգի նախագծում ընդգրկված է 78 հարց, միջազգային 14 պայմանագիր։

Նիստի մեկնարկին ՀՀ ԱԺ նախագահ Հովիկ Աբրահամյանը հայտարարել է, որ այսուհետ յուրաքանչյուր քառօրյայի առաջին օրը խորհրդարանում կազմակերպվելու են բաց դասեր, և հանրապետության քաղաքների և գյուղերի բոլոր դպրոցների աշակերտները հնարավորություն կունենան մասնակցել նիստերին: Այսօր արդեն Երևանի վարչական բոլոր շրջաններից որոշակի թվով աշակերտներ մասնակցում էին բաց դասին: (շարունակել →)

Ի՞նչ զարգացումներ են հնարավոր ԼՂ հակամարտության կարգավորման գործընթացում

«7օր»-ը հյուրընկալել է ԱԺ «Ժառանգություն» խմբակցության ղեկավար Ստեփան Սաֆարյանին և ԱԺ ՀՀԿ խմբակցության անդամ Արտակ Զաքարյանին

-Ինչպե՞ս եք գնահատում Սարգսյան-Ալիև վերջին հանդիպումը և ինչպե՞ս կմեկնաբանեք միջազգային կառույցների, մասնավորապես ԵԱՀԿ-ի, ԵԽԽՎ-ի նախագահների հայտարարությունները, թե ղարաբաղյան հակամարտության կարգավորման գործընթացում պետք է  արագացված կարգով զարգացումներ լինեն։

Ստեփան Սաֆարյան-Ընդհանուր առմամբ, բանակցային գործընթացը միշտ մտահոգիչ է եղել այն առումով, որ ղարաբաղյան կողմը մշտապես բացակայել է այդ հանդիպումներից։ Եվ մենք արդեն տեղիք ենք տվել, որ որոշ փաստաթղթեր ստորագրվեն Հայաստանի կողմից՝ Լեռնային Ղարաբաղի անունից (մայնդորֆյան հռչակագիր)՝ Ադրբեջանին հիմք տալով նշել, որ հակամարտության իրական կողմը Հայաստանն է։ (շարունակել →)