Սեպտեմբերի 15-19-ին սպասվում է առանց տեղումների եղանակ:

ՀՀ սպորտի և երիտասարդության հարցերի նախարար Հրաչյա Ռոստոմյանը, սեմտեմբերի 14-ին, ընդունել է աթլետիկայի եվրոպական կառույցների ղեկավարներին, որոնք Հայաստանում են գտնվում անվանի թեթևաթլետ Ռոբերտ Էմմիյանի գավաթի մրցումներին ներկա գտնվելու նպատակով:

Սեպտեմբերի 18-ին ՀՀ Ազգային ժողովում աշխատանքը կսկսի Հավաքական անվտանգության պայմանագրի կազմակերպության խորհրդարանական վեհաժողովի խորհրդին կից ՀԱՊԿ անդամ պետությունների խորհրդարանների պաշտպանության եւ անվտանգության մշտական հանձնաժողովների նախագահների Համակարգող խորհրդակցության արտագնա նիստը:

Սույն թվականի սեպտեմբերի 18-21-ը Հայաստանի ազգային մրցունակության հիմնադրամը և Լեռնային Ղարաբաղի Հանրապետության ներկայացուցիչները հայկական զբոսաշրջային ընկերությունների հետ համատեղ կներկայացնեն Հայաստանը և Արցախը Փարիզում կայանալիք «TopResa" 2012» զբոսաշրջային միջազգային տարեկան ցուցահանդեսին:

2012թ. սեպտեմբերի 12-13-ին իրացման կետերում կատարված ձվի շուկայի ուսումնասիրության արդյունքում պարզվել է, որ «Լուսակերտ ՏԹՖ» ՍՊԸ-ի կողմից 08.09.12թ. և 13.09.12թ. օրերին արտադրված,«Արզնի Տոհմային ԹՏԽ» ԲԲԸ-ի կողմից 10.09.12թ. արտադրված, «Աշտարակ ձու» ՍՊԸ-ի կողմից 29.08.12թ., 03.09.12թ. և 05.09.12թ. օրերին արտադրված ձվերը հանդիսանում են ոչ թարմ: Լաբորատոր փորձաքննության և փորձագիտական եզրակացության արդյունքում պարզվել է նաև, որ մակնշման և արտադրության օրերը չեն համապատասխանում:

Ս.թ. սեպտեմբերի 15-ին, ժամը 09:00-ին Բաղրամյան զորավարժարանում տեղի է ունենալու ՀԱՊԿ օպերատիվ արձագանքման հավաքական ուժերի մասնակցությամբ «Փոխգործակցություն-2012» համատեղ զորավարժությունների պաշտոնական բացման հանդիսավոր արարողությունը:

Այսօր՝ սեպտեմբերի 14-ին, ժամը 06.30-ի սահմաններում Երևանի Սունդուկյան փողոցի սեփական տներից մեկում, կախվելու միջոցով ինքնասպան է եղել ոստիկանության 27-ամյա ծառայող Կ. Մանուկյանը:

Անդրադառնալով Ռամիլ Սաֆարովի արտահանձնման վերաբերյալ Եվրոպական Խորհրդարանի երեկվա ընդունված բանաձևին` ԱԺ ՀՀԿ խմբակցության անդամ Մկրտիչ Մինասյանն այսօրվա ասուլիսին ասել է, որ մարդկային և քաղաքակրթական հիմքերը խարխլող նման խայտառակության վերաբերյալ ընդամենը «ափսոսանք» հայտնելը ձևականության և երկակի ստանդարտների դրսևորում է։

Այսօր գլխավոր դատախազության շենքի առջև տեղի է ունեցել Հայ Ազգային կոնգրեսի երիտասարդ ակտիվիստների ազատազրկման դեմ բողոքի հերթական գործողությունը, որին մասնակցել է նաև ԱԺ «Բարգավաճ Հայաստան» խմբակցության պատգամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Էլինար Վարդանյանը:

Թուրքիայի վարչապետ Ռեջեփ Թայիփ Էրդողանը առաջարկում է ուժեղացնել քաղաքական ճնշումը Սիրիայի վրա։

Սեպտեմբերի 13-ին, ժամը 08.30-ի սահմաններում, «ՈՒԱԶ-452Բ» մակնիշի ավտոմեքենայի վարորդը Գավառի Ազատության փողոցում վրաերթի է ենթարկել 8-ամյա տղայի, որը մարմնական վնասվածքներով տեղափոխվել է հիվանդանոց:

Սեպտեմբերի 18-ին Ադրբեջանի նախագահ Իլհամ Ալիևի Ֆրանսիա կատարելիք այցի կապակցությամբ Ադրբեջանի դեսպանատան առջև կանցկացվի լայնածավալ բողոքի գործողություն։

ՄԹ Արտաքին գործերի և համագործակցության երկրների նախարարության Եվրոպայի հարցերով պետնախարար Դեյվիդ Լիդինգթոնը 2012թ-ի սեպտեմբերի 18-19ը պաշտոնական այցով կլինի Հայաստանում:

Մրցավայրի ընտրության գործին նպաստել է Հայաստանի բռնցքամարտի ֆեդերացիան:

Պատասխանելով լրագրողի հարցին, թե Ռուբեն Հայրապետյանի հայտնի հարցազրույցում արտահայտված մտքերն աղճատվա՞ծ են, թե՞ համապատասխանում են իրականությանը՝ ԱԺ ՀՀԿ խմբակցության ղեկավար Գալուստ Սահակյանն ասել է. «Հարցազրույցում բոլոր արտահայտված մտքերը, կարծում եմ, չափազանց տգեղ ձևով են ներկայացված, որովհետև ճանաչում եմ Ռուբեն Հայրապետյանին, բոլոր անձանց և բոլորի հարաբերությունները»։

Այս տարի արդեն 27-րդ անգամ, 1985թ. ի վեր, Եվրոպական մշակութային կոնվենցիայի 50 անդամ-երկրներ հանդես կգան հանուն եվրոպական ժառանգության ճանաչման` Եվրոպայի խորհրդի և Եվրոպական հանձնաժողովի հովանու ներքո:

«Երկիր» միություն. «2012թ. հոկտեմբերի 1-ին Վրաստանի տարածքում, այդ թվում նաև հայաբնակ Ջավախքում, կայանալու են խորհրդարանական ընտրություններ։ Ընտրական գործընթացը Ջավախքում անցնում է վրացական իշխանությունների կողմից ջավախքահայության քաղաքական և քաղաքացիական իրավունքների ոտնահարման հետևողականորեն իրականացվող քաղաքականության պայմաններում»։

ՀՅԴ պատգամավոր Աղվան Վարդանյանն անդրադառնալով մեծամասնության մի շարք պատգամավորների` փառաբանող, գովերգող, ելույներին ասել է. «Իրենց խնդիրն է, բայց նրանք երիտասարդ են, նոր են մտնում քաղաքական ասպարեզ։ Այս տոնայնությունը, կարծում եմ վայել չէ ո՛չ ԱԺ-ին ո՛չ էլ Հայաստանին առհասարակ: Մենք Ադրբեջան չենք, բրեժնևյան ժամանակներն էլ վաղուց անցել են»։