Ձեռք բերված պայմանավորվածության համաձայն հունվարի 25-ին Սոչիում կկայանա Հայաստանի Հանրապետության նախագահ Սերժ Սարգսյանի, Ռուսաստանի Դաշնության նախագահ Դմիտրի Մեդվևդևի և Ադրբեջանի նախագահ Իլհամ Ալիևի եռակողմ հանդիպումը՝ նվիրված Լեռնային Ղարաբաղի հակամարտության կարգավորմանը:

Ըստ Միջպետական վիճակագրական կոմիտեի, 2009թ. ԱՊՀ երկրները բաժանվել են երկու խմբի՝ տնտեսության մեջ դրական ցուցանիշ գրանցածներ և բացասական ցուցանիշ արձանագրածներ։ Համաձայն 2009թ. հունվար-սեպտեմբեր ամիսների տվյալների՝ նախորդ տարվա հետ համեմատած Հայասատանի, Ուկրաինայի և Ռուսաստանի տնտեսության ակումը կազմել է համապատասխանաբար 18,3%, 15,9% և 9,9%։

Թուրքիայի ԱԳ նախարար Ահմեդ Դավութօղլուն ՀՀ արտգործնախարար Էդվարդ Նալբանդյանին փոխանցել է, որ ՀՀ Սահմանադրական դատարանի հունվարի 12-ի որոշումն անընդունելի նախապայմաններ է պարունակում՝ հավելելով, որ Թուրքիան հավատարիմ է ստորագրված արձանագրությունների ոգուն և նույնն ակնկալում է նաև Հայաստանից։