1994թ. մայիսի 5-ին ավարտվեց ՌԴ նախաձեռնությամբ Բիշքեկում կայացած Ադրբեջանի, Հայաստանի ու Լեռնային Ղարաբաղի խորհրդարանական կառույցների ղեկավարների հանդիպումը, որտեղ ստորագրվեց Բիշքեկի արձանագրությունը` մայիսի լույս 9-ի գիշերը կրակը դադարեցնելու կոչով: Այն ուժի մեջ մտավ մայիսի 12-ի կես գիշերին:

ՆԱՏՕ–ի գլխավոր գրասենյակը պաշտոնապես տեղեկացրել է Իսրայելի կառավարությանը, որ Իսրայելը չի ստանա ՆԱՏՕ–ի մայիսի 20–ին Չիկագոում կայանալիք գագաթաժողովի հրավեր։ Պաշտոնյաները հատուկ ընդգծել են, որ այս որոշումն ընդունվել է Թուրքիայի կողմից շարունակվող ճնշումների ներքո։

«Ինտեռֆաքսի» փոխանցմամբ՝ Եվրոպայի և Եվրասիայի հարցերով ԱՄՆ Պետքարտուղարի տեղակալ Ֆիլիպ Գորդոնը Սենատի միջազգային հանձնաժողովի լսումների ժամանակ հայտարարել է, որ Միացյալ Նահանգներն առայժմ պատրաստ չէ խոսել Վրաստանի ՆԱՏՕ-ին անդամակցության ժամկետների մասին։ Միաժամանակ, Գորդոնը նշել է, որ իրենք շարունակելու են աջակցել Թբիլիսիին` դաշինքին անդամակցության պահանջների իրականացման հարցում:

Անցած տարի Կանաչների կուսակցության ներկայացուցիչ Մեհմետ Կապլանը կոչ էր արել, որ Շվեդիան ակտիվորեն ներգրավվի Լեռնային Ղարաբաղի հակամարտության կարգավորման գործընթացում։ Կանաչների ներկայացուցիչը պահանջում էր, որ «օկուպացված ադրբեջանական տարածքից անհապաղ և անվերապահ դուրս բերել հայկական բոլոր զինված ուժերը»...

Հարութ Սասունյան. «Վերջին տարիներին, դատ բացելու մոլուցքով տարված Ամերիկայի թուրքական համախմբումը (ԱԹՀ) դատական գործեր է հարուցել այն դասախոսների, պետական ծառայողների և քաղաքացիական խմբերի դեմ, ովքեր սատարում են Հայոց ցեղասպանության ճանաչմանը»։

Էրդողանը հայտարարել է, թե Թուրքիան բացել է բոլոր արխիվները՝ կապված հայկական հարցի հետ։ Նա ընդգծել է, որ եթե «Հայաստանը Ցեղասպանությունն ապացուցող փաստաթղթեր ունի, ապա պետք է հայտարարի այդ մասին». «Եթե ուսումնասիրությունների ընթացքում հարկ լինի, որ մենք նայենք մեր պատմության դեմքին, մենք պատրաստ ենք»,–հավաստիացրել է Թուրքիայի վարչապետը։

ԱԻ նախարարությունից տեղեկացնում են, որ այսօր՝ մայիսի 7-ին, տեղական ժամանակով ժամը08:40-ին ՍՊԱԾ-ի սեյսմոլոգիական ցանցի կողմից գրանցվել է 5,9 մագնիտուդով երկրաշարժ (նախնական տվյալներով), որի էպիկենտրոնը գտնվում է Ադրբեջանի տարածքում Շեքիքաղաքից 28 կմ դեպի հյուսիս-արևմուտք: Երկրաշարժի ուժգնությունը էպիկենտրոնային գոտում կազմել է 8 բալ:

Վրաստանի նախագահ Միխայիլ Սահակաշվիլին Քութաիսիում, քաղաքի տոնի առթիվ իր ելույթում, Թբիլիսին անվանել է «ամբողջ Կովկասի պատմական և մշակութային մայրաքաղաք»։ Խոսելով Թբիլիսի նշանակության մասին՝ Վրաստանի նախագահը նշել է, թե այն տարածաշրջանային կենտրոն է, որի նշանակությունը օրեցօր մեծանում է։

Վրաստանի անվտանգության խորհրդի քարտուղարի տեղակալ. «Վրաստանը կմտնի ՆԱՏՕ միայն սեփական տարածքների ամբողջականության դեպքում: Վրաստանի տարածքների դեօկուպացիան և Վրաստանի ինտեգրումը եվրոատլանտյան կառույցներին՝ զուգահեռ գործընթացներ են»։

Թուրքական լրատվամիջոցների փոխանցմամբ՝ մայիսի 2-4–ը հայ–թուրքական հարաբերությունների վերաբերյալ Էրզրումում տեղի կունենա համաժողով, որին կմասնակցեն 75 գիտնականներ տարբեր երկրներից։ Թուրքիայի Հայ–թուրքական հարաբերությունների հետազոտական կենտրոնի տնօրեն Էրոլ Քյուրքչուօղլուն հայտնել է, որ համաժողովի ընթացքում ներկայացվելու են «երկու ժողովուրդների պատմությանը վերաբերող նոր փաստաթղթեր»։

Այսօրվանից, մեկ ամիս ժամկետով, Ադրբեջանը ստանձնում է ՄԱԿ-ի Անվտանգության խորհրդի նախագահությունը` այս պաշտոնում փոխարինելով ԱՄՆ-ին: ՄԱԿ-ում Ադրբեջանի մշտական ներկայացուցիչ Ագշին Մեհթիևը ԻՏԱՌ ՏԱՍՍ գործակալությանը հայտնել է թե, Ադրբեջանի անդամակցությունը Խորհրդին ոչ մի կերպ չի ազդի արտաքին քաղաքականության առաջնահերթությունների վրա:

Հայաստանի և Իրանի արտաքին քաղաքական գերատեսչությունների ղեկավարները քննարկեցին միջկառավարական հանձնաժողովի աշխատանքները, որի հաջորդ նիստը նախատեսված է անցկացնել ս.թ. ամռանը Երևանում: Անդրադարձ կատարվեց երկու երկրների միջև համագործակցությանը՝ տրանսպորտի, էներգետիկայի, մաքսային, բնապահպանության, կրթական, առողջապահության, գյուղատնտեսության, մշակութային բնագավառներում, մտքեր փոխանակվեցին իրավա-պայմանագրային դաշտի ընդլայնման շուրջ:

«2008 թվականի օգոստոսի պատերազմից հետո, երբ Վրաստանը դժվարանում էր սպառազինություններ գնել արտերկրից, մեր մասնագետները ստեղծեցին 100 տոկոսով վրացական զինատեսակներ և դրեցին դրանք արտադրության»,–ասել է Վրաստանի նախագահ Միխայիլ Սահակաշվիլին։ Խոսքը գնում է հրետանային զինատեսակների, թռչող սարքերի, զրահատեխնիկայի և հակատանկային զենքերի մասին։

«Ատոմային ռումբի ստեղծման համար անհրաժեշտ է արագացված տեմպերով ուրան հարստացնել: Իրանն այսօր չունի նման հնարավորություն: Ես ստույգ տեղեկատվություն չունեմ Իրանի կողմից ատոմային ռումբ ստեղծելու վերաբերյալ որոշում կայացնելու մասին: Հուսով եմ, որ ԱՄՆ-ը, Իսրայելը և միջազգային հանրությունը կարող են ճիշտ որոշում ընդունել՝ կապված Իրանի միջուկային ծրագրի հետ»,–ասել է Պենտագոնի ղեկավարը։

«Քրդստանի ազատ կյանքի կուսակցություն» կազմակերպության անդամները գրոհել են Իսլամական հեղափոխության պահապանների կորպուսը Իրանի արևմտյան լեռնային շրջաններում։ Իրանի զինված ուժերը, հեղափոխության պահապանների հետ համատեղ, քուրդ գրոհայինների դեմ հատուկ գործողություն էին սկսել անցած տարի։ Իրանը մեղադրում է «Քրդստանի ազատ կյանքի կուսակցությանը» Իսրայելի հատուկ ծառայությունների հետ համագործակցության համար։

ԼՂՀ Պաշտպանության բանակի մամլո ծառայությունը հաղորդագրություն է տարածել, որում ասվում է, որ ապրիլի 24–ին հակառակորդը՝ «ԻՍՏԻԳԼԱՍ» զինատեսակով կրակել է արևելյան ուղղությամբ տեղակայված հայկական դիրքերի սանիտարական մեքենայի վրա։ Կրակոցների արդյունքում վիրավորվել են ՊԲ զինծառայողներ Անդրանիկ Գևորգի Մադոյանը և Էռնեստ Միքայելի Սարգսյանը։

«Այն բանից հետո, երբ Իրանը կանգնեցնի ուրանի հարստացման աշխատանքները, նրանք վառելիքային հումք կստանան այլ երկրից, ինչը թույլ կտա Թեհրանին միջուկային էներգիան օգտագործել խաղաղ նպատակների համար»,–CNN–ին տված հարցազրույցում ասել է Իսրայելի վարչապետը։

Վրաստանի խորհրդարանում «Վրացական ժողովի» պատգամավոր Ջոնդի Բագատուրիան այսօր հնչեցրել է Հայոց ցեղասպանությունը ճանաչելու հայկական սփյուռքի պահանջը։ Սա վրդովեցրել է «Միացյալ ազգային շարժում» կուսակցության ադրբեջանցի պատգամավոր Ազեր Սուլեյմանովին, ով գործընկերոջ ուղղությամբ ինչ-որ իր է նետել և ցանկացել է բաժակն էլ նետել ու նրան անվանել է Բագատուրյան։