Վիլնյուսում անցկացվող թուրք-լիտվական բիզնես-ֆորումի բացմանը Թուրքիայի նախագահ Աբդուլա Գյուլը հայտարարել է, որ իր երկրի Եվրամիությանն անդամակցելու բանակցային գործընթացը դժվար է անցնում։ «Չնայած նրան, որ Թուրքիան ունի ուժեղ տնտեսություն, իսկ մեր ձգտումն անդամակցել ԵՄ–ը խրախուսվում է կառույցի մի շարք հզոր երկրների, օրինակ՝ Մեծ Բրիտանիայի և Իսպանիայի կողմից, բանակցային գործընթացը բավականին դանդաղ է»,–հայտարարել է Գյուլը։

ՌԴ արտգործնախարար Սերգեյ Լավրովը ապրիլի 17-ին մեկնելու է Թուրքիա։ Նա մտադիր է քննարկել տարածաշրջանային հարցեր և թուրք-սիրիական հարաբերությունները։ Ինչպես արդեն տեղեկացրել էինք, տարածաշրջանային այցի շրջանակներում Թուրքիայում է լինելու նաև ԱՄՆ պետքարտուղար Ջոն Քերին։

«Ազատություն» ռադիոկայանի վրացական ծառայության փոխանցմամբ՝ խորհրդարանի պաշտպանության հանձնաժողովի նախագահ Իրակլի Սեսիաշվիլին հայտնել է, որ շքերթը պետք է ընդունի վրաց ժողովուրդը: Իսկ Վրաստանի պաշտպանության նախարար Իրակլի Ալասանիան, նշելով, թե տոնական օրը տպավորիչ է լինելու, շրջանցել է հարցը՝ ով է ընդունելու շքերթը:

Վրաստանի խորհրդարանը կարող է վերանայել «Օկուպացված տարածքների մասին» օրենքը, որով կվերացվի քրեական պատասխանատվությունը՝ առաջին անգամ Աբխազիա և Հարավային Օսիա մտնող քաղաքացիների համար։ Ըստ աղբյուրի՝ Վրաստանի Վերաինտեգրման փոխնախարար Քեթևան Ցիխելաշվիլին կոչ է արել նշյալ տարածքներ մտնողների նկատմամբ վերացնել քրեական պատասխանատվությունը՝ փոխարենը սահմանել տուգանք՝ 400 լարիի(250 դոլար)չափով:

Կարմիր խաչի միջազգային կոմիտեի աշխատակիցները այցելել են Հայաստանում գտնվող ադրբեջանցի զինծառայող Ֆիրուզ Միրզա օղլի Ֆարաջաևին։ Վերջինս ոչ մի բողոք չի ներկայացրել մարդասիրական առաքելության ներկայացուցիչներին։ Նրան փոխանցել են հարազատների վերաբերյալ տեղեկություններ։ 1992թ.-ին ծնված Ֆարաջաևը գերևարվել էր 2012թ.–ին, երբ հատել էր շփման գծի հայկական հատվածը։

Հայաստանի քաղաքացիական ավիացիայի վարչության պետ Արտյոմ Մովսիսյանն այսօր լրագրողներին հայտնել է, որ ՔԱԳՎ-ը կթույլատրի դեպի Արցախ թռիչքների իրականացումը։ «Դա համապատասխանելու է միջազգային կանոններին։ Դեռևս կան որոշակի տեխնիկական խնդիրներ, որոնց լուծման համար ԼՂՀ ավիացիոն վարչությունն ակտիվորեն աշխատում է»,–ասել է Մովսիսյանը՝ հրաժարվելով նշել Արցախի օդանավակայանի շահագործման ժամկետները։

Երկորյա այցով Վրաստանում գտնվող Թուրքիայի ԱԳ նախարար Ահմեդ Դավութօղլուն Թբիլիսիում լրագրողներին հայտնել է, որ պաշտոնական Անկարան ճանաչում է Վրաստանի տարածքային ամբողջականությունը: Խոսելով վրաց–աբխազական հակամարտության մասին՝ Դավութօղլուն ընդգծել է, թե ինքը ցանկանում է, որ հիմնահարցը լուծվի Վրաստանի տարածքային ամբողջականության շրջանակներում:

Թուրքիային անհանգստացարել է Լիտվայի խորհրդարանում ԼՂՀ-ի հետ բարեկամական խմբի ստեղծումը: Hurriyet–ի փոխանցմամբ՝ Թուրքիայի իշխանություններն այդ կապակցությամբ դիվանագիտական խողովակներով իրենց մտահոգությունն են հայտնել Լիտվային: Ընդ որում, դա արվել է Թուրքիայի նախագահ Աբդուլա Գյուլի ապրիլի 3-ին Լիտվա կատարվելիք պաշտոնական այցի նախաշեմին։ Ըստ աղբյուրի, Լիտվայի ԱԳՆ-ն արձագանքել է Թուրքիայի մտահոգությանը՝ նշելով, թե չի ճանաչում ԼՂՀ անկախությունը։

Այցի ընթացքում Դավութօղլուն կհանդիպի Վրաստանի նախագահ Միխայիլ Սաակաշվիլիի, վարչապետ Բիձինա Իվանիշվիլիի, խորհրդարանի նախագահ Դավիդ Ուսուպաշվիլիի, ինչպես նաև՝ իր վրաց գործընկեր Մայա Փանջիկիձեի հետ: Վրաստանի ԱԳՆ–ից հայտնել են, որ հանդիպումների ընթացքում կքննարկվեն երկկողմ համագործակցության, ինչպես նաև ՆԱՏՕ-ին անդամագրվելու ուղղությամբ Վրաստանին Թուրքիայի կողմից ցուցաբերվող աջակցության վերաբերյալ հարցեր:

Թուրքիայի ներքին գործերի նախարար Մուամեր Գյուլերը, խորհրդարանում պատասխանելով պատգամավորների հարցերին, հայտնել է, որ Թուրքիայում ժամանակավոր կացության իրավունք է ստացել 861 հայաստանցի ընտանիք։ Բացի նշյալ ընտանիքներից, ըստ Գյուլերի՝ նման իրավունք են ստացել նաև տարբեր նպատակներով Թուրքիայում գտնվող հայաստանցիներ: Հիշեցնենք, որ 2010թ.–ին Թուրքիայի վարչապետ Ռեջեփ Թայիփ Էրդողանը սպառնացել էր հայաստանցիներին արտաքսել Թուրքիայից։

«Ազատ արձակվելուցս հետո Սաակաշվիլու կողմից իմ հասցեին շարունակաբար հնչեցվող զրպարտչական բնույթի մեղադրանքները գալիս են ևս մեկ անգամ հաստատելու, որ ինձ ազատազրկման են ենթարկել բացառապես քաղաքական նկատառումներով, այն բանի համար, որ խաղաղ և օրինական միջոցներով պայքարել եմ Վրաստանի հայ բնակչության իրավունքների պաշտպանության համար:»։

Թուրքիայում կկառուցվեն հատուկ հրաձգարաններ տեղական արտադրության հրթիռների և տիեզերական արբանյակների փորձարկման համար։ Բացի այդ, Թուրքիան անցել է ազգային ռազմա-արդյունաբերական համալիր ծրագրի իրականացմանը՝ արտադրվելու են ռազմական ինքնաթիռներ, ուղղաթիռներ, տանկեր և արբանյակներ։ Այս տարի նախատեսված է ATAK ռազմական ուղղաթիռների առաջին խմբաքանակի թողարկումը։

1999թ. Թբիլիսին «Փոքրամասնությունների լեզուների եվրոպական խարտիան» Խարտիա է ստորագրել, որով հայերենին տարածաշրջանային լեզվի կարգավիճակ է տրվում: Երեկ «Իմեդի» հեռուստաալիքին տված հարցազրույցում Վրաստանի նախագահ Միխեիլ Սաակաշվիլին ասել է, որ ինքը դեմ է դրա վավերացմանը:

Իսրայելի և Թուրքիայի վարչապետներ Բենյամին Նեթանյահուն ու Ռեջեփ Թայիփ Էրդողանը պայմանավորվել են քայլեր ձեռնարկել երկկողմ հարաբերությունների վերականգնման ուղղությամբ։ Խոսքն առաջին հերթին գնում է դեսպանների վերադարձի և Իսրայելի պաշտպանության բանակի սպաների նկատմամբ հարուցված դատական գործերը չեղյալ հայտարարելու մասին։

Ըստ փոփխությունների փաթեթի՝ նախագահը չի կարող խորհրդարանը ցրելուց հետո, երբ վերջինս երեք անգամ անվստահություն է հայտնել նախագահի ներկայացրած կառավարությանը, նշանակել այդ կառավարությունը: Նախագահը նաև չի կարող ցրել խորհրդարանը նախագահական ընտրությունների նախորդող մայիս ամսից սկսած մինչև նորընտիր նախագահի երդումը:

«Ռիա-Նովոստին» հյտնում է, որ Աբդուլահ Օջալանը մտադիր է իր կողմնակիցներին կոչ անել դադարեցնել թուրքական իշխանությունների դեմ տարվող զինված պայքարը, դուրս բերել ռազմական ուժերը Թուրքիայի տարածքից և սկսել խաղաղ բանակցությունները: Իսկ Թուրքիայի քաղաքական կուսակցություններին Օջալանը կհորդորի աջակցել հակամարտության խաղաղ կարգավորման նախաձեռնությանը:

Ադրբեջանական լրատվամիջոցմրի փոխանցմամբ՝ աշխատանքային այցով Բաքվում գտնվող Վրաստանի ԱԳ նախարար Մայա Փանջիկիձեն մամուլի ազսուլիսում հայտարարել է, որ պաշտոնական Թբիլիսին ճանաչում է Ադրբեջանի տարածքային ամբողջականությունը։ Նա նշել է, որ Վրաստանը շահագրգռված է Ադրբեջանի հետ բարիդրացիական հարաբերությունների խորացման հարցում։

«Բա՛վ է որքան վերափոխեցիր ողջ երկիրը: Գուցե մտածես և հեռանա՞ս»,-դիմելով Սահակաշվիլիին՝ ասել է Շևարդնաձեն։ Նա առաջարկել է նաև խորհրդարանական հատուկ հանձնաժողով ստեղծել, որը կզբաղվի Սահակաշվիլիի գործած հանցագործությունների հետաքննությամբ: Շևարդնաձեն նաև ժողովրդից ներողություն է խնդրում 2003թ. իշխանությունը Սահակաշվիլիին հանձնելու համար։