Վրաստանի ներքին գործերի նախարար Բաչո Ախալայան հրաժարական է տվել: Պատճառը` Վրաստանում այս շաբաթ մեծ հնչեղություն ստացած ազատազրկված անձանց կտտանքների և բռնաբարության սկանդալի հետևանքով բարձրացած աղմուկն է, որի վերաբերյալ այժմ քննություն է ընթանում:

«Այն, որ Վրաստանը նավթային հետաքրքրություններ ունի Ադրբեջանի և Թուրքիայի հետ՝ հայտնի է բոլորին։ Եվ Արցախում հնարավոր պատերազմի դեպքում Վրաստանը կօգնի Ադրբեջանին, ընդ որում` անթաքույց»,–ԼՂ հիմնահարցի շուրջ հնարավոր զարգացումների մասին խոսելիս՝ այսօրվա ասուլիսին նման տեսակետ է հայտնել ՀՀ ՊՆ նախկին փոխնախարար Արկադի Տեր-Թադևոսյանը (Կոմանդոս)։

Ադրբեջանական ANS PRESS-ը, հղում անելով երկրի պաշտպանության նախարարության մամլո ծառայությանը, հայտնում է, որ ադրբեջանական բանակը սկսել է հերթական լայնամասշտաբ զորավարժությունները։ Դրանց մասնակցում են բոլոր զորատեսակները՝ ցամաքային զորքեր, ռազմաօդային զորքեր և ռազմածովային նավատորմ:

Սեպտեմբերի 18-ին Ելիսեյան պալատում կայացած Ֆրանսիայի և Ադրբեջանի նախագահների հանդիպմանը քննարկվել են միջազգային մի շարք հարցեր։ Ֆրանսիայի նախագահ Ֆրանսուա Օլանդը Իլհամ Ալիևին կոչ է արել անհրաժեշտ միջոցներ ձեռնարկել Հայաստանի հետ վստահության վերականգնման ուղղությամբ...

Հարավային Օսիայի նախագահ. «Մենք շատ լուրջ տեղեկատվություն ունենք Վրաստանի ներկայիս մտադրությունների մասին: Մասնավորապես, Լենինգորի շրջանում կառուցվում են ամրություններ: Բոլոր սահմանամերձ վրացական գյուղերում ստեղծվում են հրաձգային զենքի պահեստներ»:

-Մեկ տարին արդեն իսկ անցել է: Հնարավոր է՝ ինձ բավականցնի նաև մեկուկես տարին, եթե այդ ժամանակահատվածում մենք կարողանանք կարգի բերել սահմանադրությունը և վերականգնել արդարությունը,- ասել է Իվանիշվիլին` հավելելով, որ քաղաքականությունից դուրս գալուց հետո պատասխանատվություն է ստանձնում իշխանության բերած և իր հետևում թողած թիմի համար:

ԱՄՆ նախագահ Բարաք Օբաման դիմել է Թուրքիայի վարչապետ Ռեջեբ Թայիբ Էրդողանի օգնությանը`այդ կերպ նպատակով ունենալով մեղմել ԱՄՆ-ում «Մուսուլմանների անմեղությունը» հակաիսլամական ֆիլմի կապակցությամբ ողջ մուսուլմանական աշխարհում սկիզբ առած դժգոհությունների ալիքը:

«Երկիր» միություն. «2012թ. հոկտեմբերի 1-ին Վրաստանի տարածքում, այդ թվում նաև հայաբնակ Ջավախքում, կայանալու են խորհրդարանական ընտրություններ։ Ընտրական գործընթացը Ջավախքում անցնում է վրացական իշխանությունների կողմից ջավախքահայության քաղաքական և քաղաքացիական իրավունքների ոտնահարման հետևողականորեն իրականացվող քաղաքականության պայմաններում»։

«Ուխտ Արարատի». «Ադրբեջանը ԱՍԱԼԱ-ի անունով կեղծ հայտարություն տարածելու միջոցով գործարկման է դնում, այսպես կոչված, «սաֆարով օպերացիան» եւ դրա ենթատեքստում՝ 2004-ից նախօրոք մշակված պետական ահաբեկչության ծրագիրը: Դրանով, Ադրբեջանը վերահաստատում է ահաբեկչական պետություն լինելու հանգամանքն ու հանձնառությունը»:

Թուրքական բանակը երկրի հարավարևելյան շրջաններում հատուկ գործողության ընթացքում սպանել է Քրդական աշխատավորական կուսակցության մոտ 30 զինյալի: Նշենք, որ Քրդական աշխատավորական կուսակցությունը, որը ՄԱԿ–ի կողմից ճանաչվել է որպես ահաբեկչական, մոտ 30 տարի է, ինչ Թուրքիայի տարածքում ձգտում է ստեղծել քրդական ինքնավարություն: Հակամարտությունը խլել է ավելի քան 30 000 մարդու կյանք:

Կանադայի իշխանությունները հայտարարել են Իրանում դիվանագիտական ներկայացուցչության փակման, ինչպես նաև երկրից իրանցի դիվանագետներին վտարելու մասին։ Նրանք Կանադայի իրանցի դիվանագետներից պահանջել են առաջիկա 5 օրվա ընթացքում լքել երկիրը։ Իրանը մեղադրվում է Սիրիային զենք-զինամթերք մատակարարելու, ինչպես նաև միջուկային զենք ստեղծելու համար։

«Այժմ Էրդողանի ագրեսիվ քաղաքականության հետևանքով երկու երկրների միջև հարաբերությունները սրվել են: Նա մոռացության է մատնել երկու ժողովուրդների միջև առկա բարիդրացիական հարաբերությունները»,-ասված է սիրիական ԱԳՆ–ի հայտարարության մեջ:

«Մեզ խիստ զարմացրել է այն, որ ԱՄՆ-ում հայկական սփյուռքը Հունգարիայում տեղի ունեցած ՆԱՏՕ-ի դասընթացների ժամանակ հայ սպա Գուրգեն Մարգարյանին սպանելու համար ցմահ ազատազրկման դատապարտված Ռամիլ Սաֆարովի արտահանձնումը Ադրբեջանին կապում է Թուրքիայի հետ... Մեր դեմ ուղղված չհիմնավորված մեղադրանքները ներկայացնում են Թուրքիայի նկատմամբ անբարյացակամ տրամադրված շրջանակների հերթական արշավը»:

«Ուխտ Արարատի». «Փաստորեն ՆԱՏՕ-ի ղեկավարությունը երկու դեպքում էլ գերադասեց մնալ վարագույրի ետեւում, մնալ աննկատ, լավագույն դեպքում փորձեց հավասարության նշան դնել զոհի ու ոճրագործի միջեւ ու մեծահոգաբար կողմերին զսպվածության կոչել»:

«Բայց փորձերը դուրս գալ բանակցություններից, ձախողել բանակցությունները, դա Հայաստանի կողմից չեն արվում, Ադրբեջանի կողմից են արվում և այս գործարքի հենց պատճառներից մեկը նա է, որ Ադրբեջանը շարունակում է այդ փորձերը: Ադրբեջանն է, որ մերժում է եռանախագահների կողմից բոլոր առաջարկները»։

««Հզբոլլահ»-ի գրոհի թիրախը կդառնան ոչ միայն իսրայելական, այլև ամերիկյան ռազմաբազաները Մերձավոր Արևելքում: Եթե Իսրայելը հարձակվի Իրանի վրա, Միացյալ Նահանգները կկրի դրա պատասխանատվությունը»,- հայտարարել է «Հզբոլլահ» շարժման առաջնորդ Հասան Նասրալլան։

Թուրքիայի հարավ-արևելքում քուրդ զինյալների հետ բախումների հետևանքով 9 թուրք զինծառայող է զոհվել, առնվազն 8-ը՝ վիրավորվել: Բախումները շարունակվում են Շըրնաք նահանգում: Ըստ տարածված տեղեկատվության` ոչնչացվել է առնվազն 20 քուրդ գրոհային։ Թուրքական կողմի պնդմամբ` քրդերը զինված են եղել հրթիռներով ու հեռահար զենքերով և հարձակում են իրականացրել անվտանգության ուժերի վրա:

Հունգարական MNO հրատարակությունը հրապարակել է, օգոստոսի 15-ով թվագրված, Հունգարիայի արդարադատության նախարարությանն ուղղված Ադրբեջանի արդարադատության նախարարության պաշտոնական նամակը: Դրանում պարզ երևում է, որ, Ադրբեջանն, ըստ էության, խաբել է Հունգարիային՝ չկատարելով իր իսկ տված հավաստիացումները: