ՀՅԴ–ն համատեղ հայտարարություն կտարածի, ՆԺԿ–ն՝ տեսաերիզ
«Նոր ժամանակներ» կուսակցության նախագահ Արամ Կարապետյանը«7օր»-ին տեղեկացրել է, որ նոյեմբերի 30-ին ՀՅ Դաշնակցությունը և Հայաստան-Թուրքիա արձանագրությունների դեմ համախմբված մյուս քաղաքական ուժերն ու հասարակական կազմակերպությունները կտարածեն խոստացված համատեղ հայտարարությունը։ Վերջինի հիմնական շեշտադրումներն են լինելու արտաքին քաղաքական մարտահրավերները, ներկա իրավիճակը և հայ-թուրքական արձանագրությունների վավերացման դեմ ուղղված հետագա գործողությունները։
Ա. Կարապետյանը նաև նշել է, որ որոշել են իրենց ուժերի համախմբումն առայժմ ազգային ճակատ չանվանել։
Իսկ «Նոր ժամանակներ» կուսակցությունը մինչև դեկտեմբերի 20-ը, Ա. Կարապետյանի խոսքերով, ամանորյա քաղաքական նվեր կմատուցիև տեսաերիզ կթողարկի, որտեղ կլինեն արձանագրությունների հետ կապված մինչ օրս չհրապարակված փաստեր, ինչպես նաև Հայաստանում մի շարք դեսպանների գործունեության, մեր երկրի ներքին կյանքին առնչվող և այլ տվյալներ։
Իսկ թե որտեղի՞ց ՆԺԿ-ին այդ տեղեկությունները, և արդյոք նախկինի նման այս անգամ է՞լ են դրանք շքամուտքի հատակի շորի տակ տեղադրված եղել «7օր»-ի հարցին Ա. Կարապետյանը պատասխանել է.
-Կա՝ տակն են եղել, կա՝ վրա են եղել։
ՆԺԿ նախագահը նաև հույս է հայտնել, որ այս անգամ այդ տեսաերիզն իր դեմ քրեական գործ հարուցելու հիմք չի դառնա։
ՀՅԴ–ն համատեղ հայտարարություն կտարածի, ՆԺԿ–ն՝ տեսաերիզ
«Նոր ժամանակներ» կուսակցության նախագահ Արամ Կարապետյանը «7օր»-ին տեղեկացրել է, որ նոյեմբերի 30-ին ՀՅ Դաշնակցությունը և Հայաստան-Թուրքիա արձանագրությունների դեմ համախմբված մյուս քաղաքական ուժերն ու հասարակական կազմակերպությունները կտարածեն խոստացված համատեղ հայտարարությունը։ Վերջինի հիմնական շեշտադրումներն են լինելու արտաքին քաղաքական մարտահրավերները, ներկա իրավիճակը և հայ-թուրքական արձանագրությունների վավերացման դեմ ուղղված հետագա գործողությունները։
Ա. Կարապետյանը նաև նշել է, որ որոշել են իրենց ուժերի համախմբումն առայժմ ազգային ճակատ չանվանել։
Իսկ «Նոր ժամանակներ» կուսակցությունը մինչև դեկտեմբերի 20-ը, Ա. Կարապետյանի խոսքերով, ամանորյա քաղաքական նվեր կմատուցի և տեսաերիզ կթողարկի, որտեղ կլինեն արձանագրությունների հետ կապված մինչ օրս չհրապարակված փաստեր, ինչպես նաև Հայաստանում մի շարք դեսպանների գործունեության, մեր երկրի ներքին կյանքին առնչվող և այլ տվյալներ։
Իսկ թե որտեղի՞ց ՆԺԿ-ին այդ տեղեկությունները, և արդյոք նախկինի նման այս անգամ է՞լ են դրանք շքամուտքի հատակի շորի տակ տեղադրված եղել «7օր»-ի հարցին Ա. Կարապետյանը պատասխանել է.
-Կա՝ տակն են եղել, կա՝ վրա են եղել։
ՆԺԿ նախագահը նաև հույս է հայտնել, որ այս անգամ այդ տեսաերիզն իր դեմ քրեական գործ հարուցելու հիմք չի դառնա։
7or.am