ՀՀ ԱԺ մշտական հանձնաժողովներում շարունակվում են «ՀՀ 2017 թ. պետական բյուջեի մասին» ՀՀ օրենքի նախագծի քննարկումները։

Այսօր հրավիրվել է Տնտեսական հարցերի ու ֆինանսավարկային և բյուջետային հարցերի մշտական հանձնաժողովների hամատեղ նիստը։

Օրակարգը ՝

1. «Հայաստանի Հանրապետության 2017թ. պետական բյուջեի մասին» ՀՀ օրենքի նախագծում նախատեսված եկամուտներ եւ ծախսեր` արդյունաբերություն, տրանսպորտ եւ կապ, էներգետիկ համակարգ եւ բնական պաշարներ, սակագնային քաղաքականություն, տնտեսական մրցակցության պաշտպանություն, կադաստր:

2. «Հայաստանի Հանրապետության 2017թ. պետական բյուջեի մասին» ՀՀ օրենքի նախագծում նախատեսված եկամուտների ձեւավորում, հարկային եւ մաքսային քաղականություն:

Մինչև նոյեմբերի 10–ն ամփոփվելու են մշտական հանձնաժողովներում պետբյուջեի նախագծի քննարկումները։ ԱԺ պատգամավորները, խմբակցությունները և մշտական հանձնաժողովներն իրենց գրավոր առաջարկություններն են ներկայացնելու ԱԺ աշխատակազմ:

Նոյեմբերի 11–ին ՀՀ Ազգային ժողովի աշխատակազմը մշտական հանձնաժողովներում «Հայաստանի Հանրապետության 2017թ. պետական բյուջեի մասին» ՀՀ օրենքի նախագծի քննարկումների արդյունքում ձևավորված գրավոր առաջարկությունները ներկայացնելու է ՀՀ կառավարություն:

Նոյեմբերի 14–ին ՀՀ Ազգային ժողովի նախագահը հանդես է գալու առաջարկությամբ՝ ՀՀ Ազգային ժողովի հերթական չորսօրյա նիստի օրակարգում «Հայաստանի Հանրապետության 2017թ. պետական բյուջեի մասին» ՀՀ օրենքի նախագիծը ընդգրկելու և քննարկելու մասին։

7or.am