Կիրակի օրը հանրապետության 69 համայնքում կայացած տեղական ինքնակառավարման մարմինների ընտրություններին մասնակցել է 243 335 քաղաքացի կամ քվեարկելու իրավունք ունեցողների 50.06%-ը:

Ախթալայում ՀՀԿ-ական գործող քաղաքապետ Հայկազ Խաչիկյանը պարտվել է Ախթալայի նախկին քաղաքապետ, անկուսակցական Սուրեն Թամազյանին:

Ապարանում ընտրվել է քաղաքապետի միակ թեկնածու, ՀՀԿ-ական, «Գնթունիք»-ի հիմնադիր Կարեն Եղիազարյանը։

Արտաշատում ընտրվել է միակ թեկնածու, ՀՀԿ-ական Կարեն Բենիամինյանը:

Կապանում վերընտրվել է միակ թեկնածու, ՀՀԿ-ական Աշոտ Հայրապետյանը:

Սիսիանում՝ ՀՀԿ-ական Արթուր Սարգսյանը:

Քաջարանում՝ ՀՀԿ-ական Մանվել Փարամազյանը:

Ալավերդիում՝ ՀՀԿ-ական Սասուն Խեչումյանը:

Ստեփանավանում՝ ՀՀԿ-ական Միքայել Ղարաքեշիշյանը:

Գորիսի քաղաքապետ է ընտրվել քաղաքապետի ժամանակավոր պաշտոնակատար, 26-ամյա Առուշ Առուշանյանը:

Ճամբարակում՝ «Գեգամետ» ընկերության ջարդիչ տեղամասի պետ Վազգեն Ադամյանը։

Աչաջուրում՝ ՀՀԿ-ական, բայց ինքնաառաջադրված Կարեն Ղալթախչյանը։

Ծաղկահովիտում՝ համայնքի գործող ղեկավար, անկուսակցական Նորաին Հակոբյանը:

Ալագյազում՝ անկուսակցական Ջասմ Մախմուդովը՝ ՀՀԿ-ական պատգամավոր Ռուստամ Մախմուդյանի հայրը:

Ռյա Թազա համայնքում վերընտրվել է ՀՀԿ-ական Ազիզ Մհոյանը։

Բյուրեղավանում՝ համայնքի գործող ղեկավար, «Բարգավաճ Հայաստան» կուսակցության անդամ Հակոբ Բալասյանը:

Ակունքում՝ համայնքի գործող ղեկավար և միակ թեկնածու Հունան Ռուբենյանը։

Մասնակցության ամենաբարձր՝ 78.33% ցուցանիշը գրանցվել է Ենոքավանում։

Ամենացածրը՝ 15,42%, Սասունիկում:

7or.am