Այսօր տաքսու վարորդները բողոքի ակցիա են անցկացրել կառավարության շենքի առջև։ Որպես բողոքի նշան՝ նրանք իրենց մեքենաները կայանել են Հանրապետության հրապարակում, ինչը խցանումներ է առաջացրել:

Տաքսիստները պահանջել են լուծել իրենց խնդիրները, զրոյացնել իրենց պարտքերը: Նախաձեռնող խմբի անդամ Տիգրան Հարությունյանն ընդգծել է, որ այնպես են անում՝ աղքատ ժողովուրդն ավելի աղքատանա։

«ԱՊՊԱ-ն՝ թանկ, լիցենզավորման գումարները, տեսախցիկների հնգապատիկ փողերը կուտակվել են, բոլորը փող են ուզում, բոլորը թալանում են այս ոլորտը»,-նշել է նա։

Որոշ ժամանակ անց վարորդներին ընդունել է ՀՀ կառավարության նամակների ընդունման բաժնի պետ Ալեքսանդր Ղազարյանը և պայմանավորվածություն է ձեռք բերվել պահանջները գրավոր ներկայացնել։

7or.am