Ապրիլի 12-ից 23-ը ընկած ժամանակահատվածում ավտոկայանատեղերի վճարի չվճարված իրավախախտումների վերաբերյալ գործերով վարույթներ եւ վարչական տույժեր չեն իրականացվի, այս մասին տեղեկանում ենք Երեւանի քաղաքապետարանի տարածած հայտարարությունից:

«Հարգելի՛ համաքաղաքացիներ, տեղեկացնում ենք, որ Երևան քաղաքում վերջին օրերին կազմակերպված հավաքների ու երթերի արդյունքում երթևեկության խաթարմամբ և այդ ժամանակահատվածում մեր քաղաքացիների կողմից տրանսպորտային միջոցների պարտադրված կայանում իրականացնելով պայմանավորված, 2018 թվականի ապրիլի 12-ից 23-ը ներառյալ, ավտոկայանատեղերի վճարի չվճարման հայտնաբերված իրավախախտումների վերաբերյալ գործերով վարույթներ չեն իրականացվի և վարչական տույժեր չեն կիրառվի»,-ասված է հայտարարության մեջ:

7or.am