Քաղաքական

17.10.2019 10:50


Վարչապետը մեզ փորձում էր ուղղորդել 1000 դրամների հիմնադրամ, սակայն մեր հարցն այլ տիրույթում է. «Զինվոր» համակարգող խորհրդի անդամները հանդիպել են վարչապետի հետ (տեսանյութ)

Վարչապետը մեզ փորձում էր ուղղորդել 1000 դրամների հիմնադրամ, սակայն մեր հարցն այլ տիրույթում է. «Զինվոր» համակարգող խորհրդի անդամները հանդիպել են վարչապետի հետ (տեսանյութ)

tert.am-ը հայտնում է, որ Կառավարության դիմաց բողոքի ակցիա էին իրականացնում «Զինվոր» համակարգող խորհրդի անդամները, որոնց վրդովվեցրել է, որ մարտի 1-ի զոհերի հարազատներին կառավարությունը 30 մլն դրամ գումար է փոխհատուցում, իսկ զոհված զինվորների ընտանիքներին այսքան տարիների ընթացքում ոչ մի նման աջակցություն չի եղել:

Նրանք պահանջում են փոխհատուցում, և այսօր հանդիպել են նաև վարչապետ Նիկոլ Փաշինյանի հետ:

«Շահառուների շրջանակը որոշվել է այն ժամանակ, երբ Դուք իշխանությունների հետ շատ լավ հարաբերություններ ունեիք: Եվ ես չեմ հիշում, որ Դուք երբևէ այսպիսի հանդիպում ունեցած լինեք Սերժ Սարգսյանի հետ, նախկին վարչապետների հետ և այդ շեշտադրումներով հանդես գաք: Ինձ համար տարօրինակ է դա: Այն ժամանակ ինչո՞ւ չեք եկել կառավարության կամ նախագահական դիմաց նստել»,-դիմելով «Զինվոր» համակարգող խորհրդի նախագահ Մարգարիտա Խաչատրյանին՝ ասաց Նիկոլ Փաշինյանը:

Վարչապետի հարցադրումներին ի պատասխան՝ Մարգարիտա Խաչատրյանը նշեց. «Որովհետև այն ժամանակ 30 մլն չէր տրվել»:

«25 տարի բանակի կողքին քայլում եմ և երբևիցե չեմ ունեցել նման խնդիր, որ դիմեմ կառավարությանը, ԱԺ-ին, նախագահին, և իմ դիմումներն անպատասխան մնան: Փոխվել է իշխանություն, եղել է հեղափոխություն, և Դուք ժողովրդի կողքին եք, ուստի ակնկալիքը Ձեզանից է, որ հետամուտ կլինեք, և այս զոհվածների ընտանիքները ևս կգտնվենք Ձեր ուշադրության կենտրոնում: Որոշակի խնդիրներ առաջացան, երբ Դուք մեկին հատկացնում եք 30 մլն, իսկ մնացած զոհվածների՞ն: Նրանք էլ են հայ, մենք էլ ենք հայ»,-ասաց Մարգարիտա Խաչատրյանը:

ՀՀ վարչապետ Նիկոլ Փաշինյանը հոկտեմբերի 17-ին հանդիպել է զոհված զինծառայողների մայրերի հետ: «Արմենպրես»-ի հաղորդմամբ, հանդիպմանը ՀՀ վարչապետ Նիկոլ Փաշինյանը նշեց, որ պատրաստ է քննարկել բոլոր հարցերը:

«Մեր նախորդ հանդիպման ժամանակ ես խոսում էի այն մասին, որ զինծառայողների ապահովագրության հիմնադրամի շահառուների շրջանակը շատ արագ տեմպերով ընդլայնվում է: Կայացրած որոշմամբ, հիմնադրամը սկսել է վճարումներ կատարել 1998 թվականի հունվարի 1-ը ներառյալ և դրանից հետո զոհված զինծառայողների ընտանիքների անդամներին, ինչպես նաև առաջին կամ երկրորդ խմբի հաշմանդամություն ստացած զինվորներին: Մենք մեկ ու կես տարվա ընթացքում 19 տարի հետ ենք գնացել, 19 տարվա շահառուների խնդիր լուծել ենք, մեր նպատակն այն է, որ հասնենք ամենասկիզբ, բայց դա որոշակի ժամանակ ու աշխատանք է պահանջում, ինչը մենք կկատարենք»,-ասաց Նիկոլ Փաշինյանը:

Հանդիպմանը ներկա զոհված զինծառայողների մայրերը բարձրացրեցին իրենց մտահոգող մի շարք հարցեր, մասնավորապես, այն, որ իրենք դուրս են մնացել շահառուների ցանկից: Նրանք ակնկալում են վարչապետի ուշադրությունը:

Վարչապետ Նիկոլ Փաշինյանը նշեց, որ բոլորի հարցերն էլ իրենց ուշադրության կենտրոնում են, կառավարությունը խնդիրները մի անգամից լուծել չի կարող, հետևաբար առաջ են շարժվում փուլ առ փուլ լուծելու տրամաբանությամբ:

«Մենք անելու ենք դա, և ժամկետների առումով գնալու ենք ամենասկիզբը, սակայն այդ դեպքում էլ չենք կարող համարել, որ բոլոր խնդիրները լուծված են: Կան կատեգորիաներ, ըստ որոնց, ծառայության ընթացքում զոհված զինվորները դեռ հիմնադրամի շահառու չեն համարվում: Հիմա մենք առաջին փուլով անդրադառնում ենք նրան, որ շահառու դառնան մարտական հերթապահության ժամանակ զոհված, բայց ոչ մարտական գործողությունների բռնված զինվորների ընտանիքները: Օրինակ, մարտի չի բռնվել, սակայն հակառակորդի կրակոցից զոհվել է: Հաջորդ փուլով կանդրադառնանք դժբախտ պատահարներին և այսպես շարունակ»,-ասաց Նիկոլ Փաշինյանը:

ՀՀ վարչապետը վստահեցրեց, որ կառավարությունը ոչ պատշաճ վերաբերմունք չի ունենա զինծառայության ընթացքում որևէ պայմանում զոհված զինվորների ընտանիքների, կամ, ընդհանրապես, որևէ քաղաքացու նկատմամբ:

Այս խորագրի վերջին նյութերը