Տնտեսական

15.01.2020 12:45


Սոցփաթեթի շահառուները հայտնվել են անհարմար դրության մեջ. հիվանդանոցներում տարբեր պատճառաբանություններով հրաժարվում են նրանց սպասարկելուց. «Ժողովուրդ»

Սոցփաթեթի շահառուները հայտնվել են անհարմար դրության մեջ. հիվանդանոցներում տարբեր պատճառաբանություններով հրաժարվում են նրանց սպասարկելուց. «Ժողովուրդ»

«Պետական համակարգի մի շարք աշխատողներ, որոնք համարվում են սոցփաթեթի շահառուներ, հայտնվել են անհարմար դրության մեջ: Արդեն մի քանի օր է՝ մարդիկ դիմում են տարբեր հիվանդանոցներ այս կամ այն գանգատով, բայց չեն կարողանում բուժում ստանալ:

«Ժողովուրդ» օրա­թերթը տեղեկացավ, որ սոցշահառուները, որոնք այս օրերին մոտենում են բուժհաստատություններ բուժսպասարկում ստանալու նպատակով, առանց բացառության մերժվում են: Հիվանդանոցներում նրանց հրաժարվում են սպասարկելուց՝ պատճառաբանելով, որ կա´մ «ծրագիրն է թռած, չի աշխատում», կա´մ էլ բազան թարմացված չէ, հին տվյալներով չեն կարող սպասարկել սոցշահառուներին:

Տեղեկացնենք, որ սոցփաթեթի համար նախատեսված բա­զան սովորաբար թարմացվում է երկու ամիսը մեկ անգամ, սակայն չի արվել: Ո՞րն է խնդիրը: Արդյոք ՀՀ Առողջապահության նախարարությունը, ծնն­դատները փակելու գործընթացով պայմանավորված, գերզբաղված է և հասարակության մյուս շերտերի, այս դեպքում սոցշահառուների խնդիրներով զբաղվելու ժամանակ չունի՞: Խնդրի առնչությամբ «Ժողովուրդ» օրաթերթը դիմեց Առողջապահության նախարարություն, որտեղից փոխանցեցին, որ խնդիրը տեխնիկական է և առաջիկա երկու օրերի ընթացքում կկարգավորվի:

Հիմա մնում է՝ ուսուցիչները, պետական այլ ոլորտի աշխատակիցները հասկանան իրավիճակը և մի քանի օր հետաձգեն հիվանդությունները: Կհաջողվի՞, հազիվ թե»,-գրում է թերթը։

Նյութն ամբողջությամբ կարդացեք թերթի այսօրվա համարում:

Այս խորագրի վերջին նյութերը