ԱԺ «Ժառանգություն» խմբակցության անդամ Զարուհի Փոստանջյանը ԵԽԽՎ–ում տեղի  ունեցած միջադեպերի կապակցությամբ ապրիլի 14–ի ԵԽԽՎ նիստի ժամանակ «Ադրբեջանի՝ իր պարտավորություններին չհետևելու» մասին հռչակագիր է տարածել, որտեղ անհանգստություն է հայտնում պաշտոնական Բաքվից շարունակաբար  հնչող ռազմատենչ հռետորության վերաբերյալ։

–Ադրբեջանի, Հայաստանի և Լեռնային Ղարաբաղի միջև հաստատված հաշտությունից հետո Ադրբեջանը ջանք չի  խնայում տարածաշրջանում անկայուն վիճակ ստեղծելու ուղղությամբ՝ դրանով իսկ սպառանալիք դառնալով ղարաբաղյան հակամարտության խաղաղ կարգավորման գործընթացի համար,–ասված է հայտարարության մեջ, որը տեղադրված է ԵԽԽՎ պաշտոնական կայքէջում։

Հռչակագրի հեղինակները խիստ անհանգստություն են հայտնում՝ «կապված Ադրբեջանի  շարունակվող քաղաքականության հետ, որն ուղղված է ուժի տեսանկյունից ղարաբաղյան հակամարտությունը լուծելուն»։

Ինչպես ասված է հռչկագրում՝ Բաքուն շարունակում է պատերազմի քարոզը, իր ռազմական բյուջեն մեծացնելը, որով խախտում է սպառազինության վերահսկողության, ուժի չկիրառման կամ դրա կիրառման սպառնալիքի մասին համաձայնությունն ու համաձայնագիրը։

Ուժի կիրառման սպառանալիքի  վերջին օրինակներից մեկն այն է,  որ Ադրբեջանը սպառնացել է պայթեցնել Սեփանակերտ ավիաչվերթ իրականացնող քաղաքացիական ինքնաթիռները։

Հռչակագրում նաև նշված է, որ Ադրբեջանը ICAO–ի (Քաղաքացիական ավիացիայի միջազգային կազմակերպություն) անդամ է, որի շրջանակներում Բաքուն պարտավորություններ է ստանձնել չհարձակվել քաղաքացիական օդանավների վրա։