Քաղաքական

09.04.2021 16:22


Արցախյան պատերազմի հերոսի հայրը հրաժարվել է վերցնել որդուն հետմահու շնորհված մեդալը

Արցախյան պատերազմի հերոսի հայրը հրաժարվել է վերցնել որդուն հետմահու շնորհված մեդալը

Top-news.am-ը գրում է. «Արցախյան պատերազմի հերոս Գոռ Երմալովյանի հայրը՝ Վարդան Երմալովյանն այսօր հրաժարվել է ընդունել որդուն շնորհված «Մարտական ծառայության» մեդալը:

«Սա իմ բողոքն է»,-ասում է հայրը՝ Վարդան Երմալովյանը, որի որդին հերոսաբար զոհվել է հոկտեմբերի 15-ին՝ Իշխանաձորի մոտ:

«Կգան նոր իշխանություններ, ես նրանցից կվերցնեմ ե՛ւ որդուս մեդալները, ե՛ւ կոչումները: Նա դրան արժանի է: Ես գիտեմ, որ որդիս հավանություն կտա իմ այսօրվա որոշմանը»,-ասում է հերոսի հայրը:

«Նրանք, ովքեր այսօր բերել են մեդալը, որեւէ մեղք չունեն, նրանք ինձ հետ միասին այցելեցին որդուս շիրիմին, հարգանքի տուրք մատուիցեցին և գնացին: Նրանք ինձ հասկացան: Իմ բողոքը մեր տղերքին միտումնավոր սպանդի տարած դավաճանների դեմ է»,-պնդում է Վարդան Երմալովյանը, որի որդին վիրավոր վիճակում հասցրել է փրկել 25 հոգու կյանք եւ տեղափոխել հոսպիտալ: Նրանցից 23-ի կյանքը հնարավոր է եղել փրկել:

Ի դեպ, Գոռի մարմինը հարազատները գտել են միայն զոհվելուց երկու ամիս անց: Գոռի մարմինն ամփոփված է հայրենի Նոր Կեսարիա գյուղի գերեզմանատանը»:

Այս խորագրի վերջին նյութերը