17 օր՝ մինչև ամսի 17-18-ը, մենք պահել ենք Ջաբրայիլի բարձունքը ու կես մետր նահանջ չենք ունեցել։ Այս մասին այսօր՝ ապրիլի 24-ին՝ Հայոց ցեղասպանության 106-րդ տարելիցին, «Ծիծեռնակաբերդում» NEWS.am-ի հետ զրույցում նշեց Քյարամ Սլոյանի անվան ջոկատի հրամանատարի տեղակալ Իշխան Նամոյանը։

«Պատերազմում մեծ պետություններ էին աջակցում Ադրբեջանին, մենք կհաղթեինք։ Ջաբրայիլում մենք բարձունքը մի մետր չենք տվել, մենք նահանջ չենք ունեցել։ 17 օր՝ մինչև ամսի 17-18-ը, մենք պահել ենք բարձունքը ու կես մետր նահանջ չենք ունեցել։ Կհաստատի գեներալ Քոչարյանը և ազգային հերոս Տիրան Խաչատրյանը։ Մեզ հերթափոխ են արել ու իջեցրել են։ Գյումրեցիների ջոկատը բերեցին, մեզ փոխեցին։ Հասել ենք Գորիս, հողերը տվել են»,-ասաց նա։