Քաղաքական

21.05.2021 17:12


Սյունիքի Խնածախ համայնքից ադրբեջանցիները ձիեր են գողացել, վաղն էլ կարող են գալ, երեխա գողանալ. Խնածախի բնակիչ

Սյունիքի Խնածախ համայնքից ադրբեջանցիները ձիեր են գողացել, վաղն էլ կարող են գալ, երեխա գողանալ. Խնածախի բնակիչ

Սյունիքի մարզի Խնածախ համայնքից ադրբեջանցիները ձիեր են գողացել: Այս մասին Tert.am-ի հետ զրույցում ասաց Խնածախ համայնքի բնակիչ Նվեր Հակոբջանյանը:

«Ադրբեջանցիները եկել են գյուղի տարածք, երկու ձի ու մեկ քուռակ գողացել են ու տարել: Այսօր ձի են գողանում, վաղը կարող են երեխա գողանալ»,-ասաց Նվեր Հակոբջանյանը:

Ըստ նրա՝ այս պահին գողության մասին հայտնում են պատկան մարմիններին, բացի այդ, նախատեսում են իրենք իրենց պաշտպանել. «Եթե գողացածը հետ չբերեն, ապա գյուղով գնում ենք, ադրբեջանցիների վրանը շպրտենք իրենց վրա: Եթե մեզ չեն պաշտպանում, մենք կպաշտպանենք մեզ: Ադրբեջանցիները իրենց դիրքը դրել են իմ պատուհանից 100 մետր հեռավորության վրա, այդպես ոնց կլինի՞»:

Հարցին՝ չի դիտարկվո՞ւմ գյուղի տարածքը, ինչպես է, որ հասել են գյուղին պատկանող տարածք ու գողություն կատարել, Նվեր Հակոբջանյանն ասաց. «Կա հատված, որ չի դիտարկվում, այդտեղից էլ գալիս ու գնում են»:

Այս խորագրի վերջին նյութերը