Իսրայելի արտգործնախարար Ավիգդոր Լիբերմանը քննադատել է Թուրքիայի վարչապետի վերջին ելույթը։

Ռեջեբ Թայիփ Էրդողանը ուրբաթ երկրի խորհրդարանի առջև հանդես էր եկել հայտարարությամբ, որտեղ կրկնել էր իր պահանջները Իսրայելից՝ Թուրքիայից ներողություն խնդրել նրա ինը քաղաքացու զոհվելու համար, ինչպես նաև փոխհատուցում վճարել զոհվածների ընտանիքներին։

Ի պատասխան` Լիբերմանն ասել է.

–Ակնհայտ է, որ այդ անձնավորությունը Իսրայելի հետ հարաբերությունների կարգավորման ու խաղաղության,  մոտեցման ուղիներ չի փնտրում։ Ընդհակառակը, նրա միակ ցանկությունը Իսրայելին նվաստացնելն է, նրա միջազգային հեղինակությունը խարխլելն է, նրա կարագավիճակին տարածաշրջանում վնաս հասցնելն է։ Նա մեզ հետ հարաբերությունները կարգավորելու ոչ մի ցանկություն չունի։ Նա փակեց դուռը մեր առջև։