Լոռու մարզպետ, ՀՀԿ–ական Արամ Քոչարյանը, ով այդ մարզը ղեկավարում է 2006–ից, վարչապետ Տիգրան Սարգսյանին աշխատանքից ազատման դիմում է ներկայացրել: Միաժամանակ նա նաև արձակուրդի դիմում է ներկայացրել, որի պատճառով նրա հրաժարականի հարցը կքննարկվի արձակուրդից վերադառնալուց հետո՝ մոտ մեկ ամիս անց։

Նշենք, որ օրեր առաջ մամուլում լուրեր էին շրջանառվում, որ երբ որոշ ժամանակ առաջ վարչապետ Տիգրան Սարգսյանը մեկնել էր Լոռի, նրան դիմավորողների շարքում մարզպետը չի եղել: Մի քանի օր հետո Արամ Քոչարյանը Տիգրան Սարգսյանին ասել է, թե անձնական գործերով Սանկտ–Պետերբուրգում էր։ Սակայն հետո պարզվել է, որ մարզպետն իրականում Վրաստանում է եղել: Տիգրան Սարգսյանն էլ տեղի ունեցածը զեկուցել է ՀՀ նախագահ Սերժ Սարգսյանին, և որոշվել է մարզպետին պաշտոնանկ անել։

7or.am