Ինչպես փոխանցում է «ԱՊԱ» գործակալությունը, հուլիսի 14–ին ԵԱՀԿ Մինսկի խմբի համանախագահներ Ռոբերտ Բրադկեն (ԱՄՆ), Իգոր Պոպովը (Ռուսաստան) և Բեռնար Ֆասիեն (Ֆրանսիա) կժամանեն Ադրբեջան, որտեղ կքննարկեն Լեռնային Ղարաբաղի հակամարտության հետագա կարգավորման հարցը։

Սպասվում է, որ համանախագահները հանդիպումներ ունենան Ադրբեջանի նախագահ Իլհամ Ալիևի և արտգործնախարար Էլմար Մամեդյարովի հետ։

Բաքվից ՄԽ համանախագահները կժամանեն Երևան, այնուհետև կայցելեն Լեռնային Ղարաբաղ։

Տեղեկացնենք, որ ղարաբաղյան հիմնահարցի բանակցությունները շարունակելու համար հուլիսի 17–ին Ադրբեջանի ԱԳՆ ղեկավարը կայցելի Մոսկվա։