Մախաչկալան ներկայացնող «Անժի» ֆուտբոլային ակումբի բրազիլիացի պաշտպան Ռոբերտո Կառլոսը հայտարարել է, որ 2013–ին պատրաստվում է ավարտել իր ելույթները «Անժի»–ում և դառնալ ակումբի նախագահ։

Իմ պայմանագիրը դեռ 2 տարի կգործի, այնուհետև ես կավարտեմ իմ կարիերան և կդառնամ ակումբի նախագահ,– բրազիլիական թերթերից մեկին անկեղծացել է ֆուտբոլիստը։

Բրազիլիացի ֆուտբոլիստի խոսքերով՝ դեռ «Անժի» տեղափոխվելու բանակցութունների ժամանակ ակումբի սեփականատեր Սուլեյման Քերիմովի հետ եղել էր պայմանավորվածություն, որ 2013–ին նա կդառնա ակումբի նախագահ։

Ռոբերտո Կառլոսն աշխարհի 2002թ. առաջնության չեմպիոն է, Ամերիկայի գավաթի երկակի չեմպիոն, 1997–ին նվաճել է Կոնֆեդերացիայի գավաթը, իսկ 2010-ին ճանաչվել է Բրազիլիայի լավագույն ֆուտբոլիստ։