յսօր ՀՀ էկոնոմիկայի նախարարը, ներկայացնելով «Լիցենզավորման մասին» օրենքում փոփոխություններ կատարելու մասին օրենքի նախագիծը, հայտնեց, որ հեշտացվում է 13 տիպի գործունեության համար օտարերկրյա ներդրողների մասնակցությունը: Խոսքը, մասնավորապես, հետևյալ տեսակների մասին է. մասնավոր պահնորդական գործունեություն, ինկասացիոն ծառայությունների մասնակցությունը, փոստային կապի գործունեությունը, միջուկային նյութերի և ռադիոակտիվ թափոնների ներմուծումն ու արտահանումը, երկաթուղային տրանսպորտի գործունեության կազմակերպումը, մեկ մարդատար տաքսիով ուղևորափոխադրումների իրականացնումը, անհատ ձեռնարկատերերի և կազմակերպությունների կողմից մարդատար տաքսիների միջոցով ուղևորափոխադրումները, քաղաքաշինական փաստաթղթերի, ինժեներական բաժինների մշակումը, դրանց փորձաքննությունը, շինարարության իրականացումը, դրանց որակի տեխնիկական հսկողությունը և շենքերի տեխնիկական վիճակի հետազննությունը:

Նախագծից կարող ենք եզրակացնել, որ օտարների համար, օրինակ, օտարազգի տաքսիստների համար լիցենզիա կամ չի լինելու, կամ այն լինելու է ձևական, կա՛մ, առնվազն, ինչ-որ կերպ այն տարբերվելու է հայաստանաբնակ տաքիսիտների համար սահմանված կանոններից:

Փաստենք՝ միայն վայրի նեոլիբերալներն առավել լավ պայման կստեղծեն օտարի, քան սեփական ժողովրդի համար:

Նիկոլը հերթով խժռում է իրեն իշխանության բերողներին: Խժռում է՝ հերթով ու կարգով: Հերթը հասավ տաքսիստներին:

Հնդիկի, պակիստանցու, տաջիկի և այլնի աչքը լույս:

Աղբյուրը՝ yerkir.am