Ինչպես հայտնում է «BBC»–ն, ինդոնեզական Բալի կղզում ընթացող «ASEAN» համաժողովի շրջանակներում հանդիպել  են Կորեայի  Ժողովրդադեմոկրատական Հանրապետության և Հարավային Կորեայի Հանրապետության արտգործնախարարներ  Պակ Ը Չունը և Կիմ Սոն Խվանը։

Հիշեցնենք, որ արտգործնախարարների  նախորդ հանդիպումը տեղի էր ունեցել 2008–ին Սինգապուրում։

Հարավային Կորեայի և ԿԺԴՀ–ի ներկայացուցիչները  քննարկել են Կորեական թերակղզին միջուկային զենքից մաքրելու հարցը։

Հանդիպման արդյունքում հայտարարություն է ընդունվել, որտեղ նշվում է, որ կողմերը պատրաստակամություն են հայտնում վեցակողմ բանակցությունների վերսկսման վերաբերյալ։