Այսօր հրավիրված ասուլիսին պատասխանելով այն հարցին, թե Հայաստանում որ նախագահի օրոք են մարդիկ ավելի լավ ապրել՝ «Սոցիոմետր» սոցիոլոգիական կենտրոնի տնօրեն Ահարոն Ադիբեկյանը ասլ է. « Ռոբերտ Քոչարյանի ժամանակ բավական աճ է արձանագրվել, մարդիկ մտածել են, որ նա կարող է երկիրը կայուն պահել ,քանի որ ներդրողը նայում է առաջին դեմքին` որքանով է նա իշխանությանը տիրապետում։ Այս իշխանությունն այնքանով է լավ, որ միջազգային ֆինանսական կառույցները վստահում են և մեզ վարկ են տալիս` ցածր տոկոսադրույքներով»։ Ինչ վերաբերում է աղքատության խնդրին, սոցիոլոգը նշել է, թե ճգնաժամը չի ավելացրել փողոցներում քնող, աղբարկղերը փորփրող մարդկանց թիվը։ «Երբ ես գալիս եմ աշխատանքի, գնում, հաշվում եմ` քանի մարդ է քնում կանգառներում, թվաքանակը նույնն է` նույն դեմքերն են, նորերը չկան: Ուրեմն տնտեսական ճգնաժամը մարդկանց դուրս չի մղել սոցիալական կյանքից դեպի փողոց: Դա շատ կարևոր ցուցանիշ է» ,–ասել է Ադիբեկյանը։

7or.am