Վերջին շրջանում ամենաքննարկվող թեմաներից է դարձել Թուրքիայի և Իսրայելի միջև գնալով սրվող հարաբերությունները։ Մասնավորապես, Մոսկվայի միջազգային հարաբերությունների պետական ինստիտուտի (ՄԳԻՄՕ) Եվրոատլանտյան անվտանգության կենտրոնի ավագ գիտաշխատող Յուլյա Կուդրյաշովան «Վզգլյադ» թերթին տված հարցազրույցում ասել է, որ Թուրքիայի և Իսրայելի դիվանագիտական առճակատումը կարող է վերաճել ռազմական հակամարտության։

«Թուրքիան փորձում է «դիվանագիտական սադրանքի»   միջոցով հասնել իր նպատակնեերին։ Անկարան ցուցադրում է իր ռազմական ուժը և իր արտաքին քաղաքական շահերը ռազմական մեթոդներով պաշտպանելու պատրաստակամությունը։ Կվերաճի՞ թուրք–իսրայելական դիվանագիտական դիմակայությունը  ռազմական հակամարտության՝ կախված է այն բանից, թե ինչպես Իսրայելը կարձագանքի այդ սադրանքին»,– ասել է ռուս փորձագետը։