Ավստրալիայի քաղաքացիներն իրավունք են ձեռք բերել անձնագրերում, բացի արականից և իգականից, նշել իրենց սեռը չկողմնորոշված անձանց։ Սեռային նոր պատկանելությունն անձը հաստատող փաստաթղթում կնշվի «X» (իքս) տառով։ Բացի այդ, անձնագրում արդեն իսկ նշված սեռը փոխելու համար անհրաժեշտ կլինի միայն բժշկի թուղթը, մինչդեռ նախկինում իգականից արական և հակառակը փոխելը հնարավոր էր միայն ամբողջական վիրահատությունից հետո։

Ավստրալիայի իշխանությունների կարծիքով այս նորամուծությունը կօգնի խուսափել անհարմարություններից այն մարդկանց, որոնց արտաքին տեսքը չի համընկնում անձնագրում նշված սեռին։

Ավստրալիայում անձնագիրն անձը հաստատող երկրորդական փաստաթուղթ է համարվում։ Ավելի կարևոր է ծննդականը, որտեղ, նախկինի պես, նշված սեռը կարելի է փոխել վիրահատություն անցնելուց հետո միայն։