«Բի–Բի–Սի»–ի ռուսական ծառայությունը հաղորդում է՝ ամերիկացի աստղագետները հայտարարել են, թե առաջին անգամ հայտնաբերել են մոլորակ, որը միանգամից երկու աստղի ուղեծրերում է պտտվում։

Խոսքը «Kepler-16b» մոլորակի մասին է, որը մեծությամբ Սատուրնի չափ է։ Այն Երկիր մոլորակից հեռու է 200 լուսատարի։

Չնայած որ մոլորակն ունի երկու արև, որոնք չափերով Արեգակից փոքր են, այդ մոլորակի մակերեևույթի ջերմաստիճանը Ցելսիուսի սանդղակով –73 աստիճան է։

Մոլորակը հաջողվել է հայտնաբերել ՆԱՍԱ–ի «Կեպլեր» հեռադիտակի օգնությամբ, որի անունով էլ այն կոչվել է։