Ադրբեջանում ԱՄՆ դեսպան Մեթյու Բրայզան հայտարարել է, որ ղարաբաղյան հակամարտությունում չկան անլուծելի հակասություններ, այդ պատճառով այն կարող է լուծվել միայն խաղաղ բանակցությունների միջոցով։

Ինչպես փոխանցում են ադրբեջանական լրատվամիջոցները, Մեթյու Բրայզան մեկնաբանել է ՄԱԿ–ի Գլխավոր վեհաժողովում ՌԴ ԱԳՆ ղեկավար Սերգեյ Լավրովի ելույթը։

Դեսպանի խոսքերով՝ ռազմական ճանապարհով հակամարտությունը լուծելն անհնար է, իսկ ներկայումս անհրաժեշտ է վերջնականապես համաձայնեցնել հակամարտության կարգավորման հիմնարար սկզբունքները։

Հիշեցնենք, որ Նյու Յորքում՝ ՄԱԿ–ի Գլխավոր վեհաժողում, Լավրովը հայտարարել է, որ Ռուսաստանը պատրաստվում է ներդնել բոլոր ջանքերը կովկասյան տարածաշրջանում ուժային սցենարի կիրառման և հակամարտության սրացման կանխման նպատակով։