«Մայր Հայաստանը» Երևանի ավագանու ընտրությանը մասնակցում է համապետական ծրագրով, որի մեջ ներառված են նաև մայրաքաղաքին առնչվող հարցերը:

Աջափնյակ այցի ընթացքում մեզ տաքսու վարորդներ մոտեցան՝ իրենց հարցերով: Խոստացա առանձին հանդիպել, լսել նրանց և մեր առաջարկները ներկայացնել: Իշխանափոխությունից հետո մենք այդ առաջարկները կյանքի ենք կոչելու:

Կառավարությունը 2024թ. սեպտեմբերի 1-ից հարկային բեռ է ավելացնում տաքսիների վրա, ինչը մեզ համար ընդունելի չէ: Իրենք առաջարկում են յուրաքանչյուր ուղևորի դեպքում՝ 1,5% հարկ, եթե վճարվում է անկանխիկ կամ 2% եթե վճարվում է կանխիկ։ Նախատեսվում է նաև 2025-ին դարձնել այդ գանձումը 2,5%՝ անկանխիկ վճարման դեպքում և 3,5%՝ կանխիկի դեպքում: Իսկ 2026-ին անկանխիկի դեպքում՝ 4%, կանխիկի դեպքում՝ 5%: Սա ակնհայտորեն կազդի գների վրա:

Մեր մոտեցումը փոքր բիզնեսի ներկայացուցիչների, այդ թվում՝ տաքսու վարորդների գործունեության մասով հետևյալն է.

- Տարեկան մինչև 30 միլիոն դրամ շրջանառություն ունեցող բոլոր տիպի տնտեսվարողները՝ ՍՊԸ-ներ, անհատ ձեռներեցներ, ինքնազբաղվածներ և այլն, կազատվեն շրջանառության հարկից, այսինքն՝ 0 տոկոս հարկ,

- տարեկան մինչև 180 միլիոն դրամ շրջանառություն ունեցողները կվճարեն ընդամենը 1 տոկոս շրջանառության հարկ:

Տաքսու վարորդների լիցենզիայի համար կպահանջվի՝

-տեխզննում,

- բժշկական ստուգում,

-անկանխիկ վճարման հնարավորության ապահովում ուղևորների համար:

Այս կանոնը կգործի 10 տարի: Կարևորը մարդիկ աշխատանք ունենան և իրենց քրտինքով իրենց ընտանիքներին ապահովեն: Քաղաքացուն պետք է օժանդակել, որ բիզնես անի կամ գոնե չխանգարել:

«Մայր Հայաստան» դաշինքի Անդրանիկ Թևանյանի ֆեյսբուքյան էջից