Խաղաղության պայմանագրի կնքման բանակցությունները վճռորոշ փուլում են. Ալիևի ներկայացուցիչ

● Քաղաքական

28.12.2023 ● 12:05

Խաղաղության պայմանագրի կնքման բանակցությունները վճռորոշ փուլում են. Ալիևի ներկայացուցիչ

Ադրբեջանն ու Հայաստանն այնքան էլ հեռու չեն խաղաղության համաձայնագրի կնքումից։ Այս մասին ասել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը, հայտնում է The Guardian-ը:

«Կարևոր է հասկանալ, որ բանակցությունների այս վճռորոշ փուլում, երբ մենք, ամենայն հավանականությամբ, այնքան էլ հեռու չենք վերջնական համաձայնությունից, մեզ իսկապես անհրաժեշտ են արդյունավետ գործողություններ»,–հայտարարել է Ամիրբեկովը։

Հիշեցնենք, որ երեկ ՀՀ ԱԳ նախարար Արարատ Միրզոյանը մամուլի ասուլիսի ժամանակ հայտարարել էր, որ Հայաստանը կուսումնասիրի Ադրբեջանի հերթական առաջարկներ խաղաղության պայմանագրի վերաբերյալ և պատշաճ կարգով կարձագանքի այդ առաջարկներին։

Ադրբեջանի նախագահի ներկայացուցիչը նշել է, որ Բաքվում ցանկանում են կողմերի միջև վեճերի լուծման մեխանիզմ ստեղծել: Նա պարզաբանել է, որ խոսքը մի հոդվածի մասին է, որում կխոսվեր ինչ-որ երկկողմ հանձնաժողովի մասին, որն անհրաժեշտ է ստեղծել համաձայնագրի բոլոր թյուրըմբռնումները կամ մեկնաբանման տարբերությունները վերացնելու համար:

Ամիրբեկովն ընդգծել է, որ Ադրբեջանի հիմնական մասի և Նախիջևանի միջև կապը իրենց համար վճռորոշ նշանակություն ունի ազգային անվտանգության տեսանկյունից, այն դիտրակվում է որպես այլընտրանքային երթուղի Միջին միջանցքի շրջանակում։

Նրա խոսքով՝ Ադրբեջանն այլևս չի կարող ժամանակ կորցնել, թեև Հայաստանը դեռևս չի սկսել 42 կիլոմետրանոց հատվածի (հայկական տարածքով անցնող-խմբ.) տնտեսական-տեխնիկական հիմնավորման աշխատանքը։

«Իհարկե, մենք չենք կարող ստիպել Հայաստանին կատարել այն, ինչ իրենք պարտավորվել են անել ավելի վաղ, և անիմաստ է ենթադրել, որ մենք կներխուժենք (Հայաստան – խմբ.), որպեսզի ուժով պարտադրենք։ Այդ պատճառով մենք դիմել ենք Իրանին, որպես պլան «Բ» Իրանի տարածքով ավտոմոբիլային եւ երկաթուղային հաղորդակցության ձևավորման համար»,-ասել է նա։

Ներկայացուցչի խոսքով՝ այլընտրանքային ճանապարհի գոյությունը կարող է ստիպել Հայաստանին գիտակցել, թե որքան կարող են կորցնել նրանք՝ շարունակելով դիմադրել այն երթուղուն, որը կարող է անցնել իր տարածքով:

Աղբյուրը՝ armeniasputnik.am

● Այս խորագրի վերջին նյութերը

Այս իշխանությունները հեռանալու են շատ ավելի շուտ, քան իրենք են պատկերացնում․ Մանուկ Սուքիասյան (տեսանյութ)

14.05.2024 ● 12:19

Ոչ մի իշխանություն հավերժ չէ։

«Մայր Հայաստանի» կոչը ՀՀ բոլոր մարզերի ավագանիներին (տեսանյութ)

14.05.2024 ● 12:15

Դեմ ենք միակողմանի զիջումներին․ «Մայր Հայաստանի» ակցիան՝ Երևանի ավագանու նիստում։

Երևանի փողոցներից բերման է ենթարկվել 38 քաղաքացի

14.05.2024 ● 10:14

Բաժիններում քաղաքացիներին այցելում են փաստաբանները և ընդդիմադիր պատգամավորները:

Ոստիկանական մեքենան վրաերթի է ենթարկել լրագրողին (տեսանյութ)

14.05.2024 ● 10:05

Ոստիկանական մեքենան վրաերթի է ենթարկում լրագրողին։

Բագրատ սրբազանն այց է իրականացնում (ուղիղ)

14.05.2024 ● 10:00

Այց է իրականացնում։

Բիրտ ուժով ղեկից իջեցրին վարորդին և բերման ենթարկեցին (տեսանյութ)

14.05.2024 ● 09:56

Աբովյան փողոցում տասնյակ մեքենաներ ազդանշաններով միացել են ճանապարհը փակ պահող քաղաքացիներին:

Այս իշխանությունները հեռանալու են շատ ավելի շուտ, քան իրենք են պատկերացնում․ Մանուկ Սուքիասյան (տեսանյութ)

Ոստիկանական մեքենան վրաերթի է ենթարկել լրագրողին (տեսանյութ)

Բիրտ ուժով ղեկից իջեցրին վարորդին և բերման ենթարկեցին (տեսանյութ)

● Քաղաքական