Տնտեսական

02.02.2012 12:48


Կառավարությունը «Ֆլեշ»–ին է տվել դիզվառելիքի մատակարարման հնարավորությունը

Կառավարությունը «Ֆլեշ»–ին է տվել դիզվառելիքի մատակարարման հնարավորությունը

Կառավարության նիստում ՀՀ վարչապետ Տիգրան Սարգսյանն անդրադառնալով գյուղատնտեսության ոլորտին՝ ասել է, որ այսօր հերթական ծրագիրն են հաստատելու, որի նպատակն է դիզվառելիքը հասանելի դարձնել բոլոր համայնքների համար մատչելի գներով, ինչը կնպաստի նրան, որ այս տարվա գարնանացանի ընթացքում էապես կընդլայնվեն մշակվող հողատարածքները:

–Այսուհետ դիզվառելիքը գյուղացիներին հասանելի է լինելու 350 դրամով: Դիզվառելիքի մատակարարման ընկերության ընտրություն ենք կատարել՝ ելնելով հետևյալ չափանիշներից. գնումների շրջանակային պայմանագրերի միջոցով մենք պարզել ենք, որ վերջին 3 ամիսների ընթացքում ամենամատչելի գնով դիզվառելիքը մեզ մատակարարել է «Ֆլեշ» ընկերությունը, և այն ունի դիզվառելիքը սպառողներին հասցնելու բացառիկ հնարավորություններ,–ասել է վարչապետը:

Տեղեկացնենք, որ «Ֆլեշ» ընկերության սեփականատերը Բարսեղ Բեգլարյանն է, ով, ինչպես հայտնի է, Սերժ Սարգսյանի և Տիգրան Սարգսյանի մերձավոր շրջապատի ներկայացուցիչ է։ Կոռուպցիայի դեմ, հավանաբար, հենց այսպես են պայքարում։

7or.am

Այս խորագրի վերջին նյութերը