Բրազիլական լրատվամիջոցները տեղեկություն էին տարածել, թե երկրում գտնվող ամերիկացի զինծառայողները ծեծի են ենթարկել մի մարմնավաճառուհու՝ նրան դուրս հրելով ընթացող մեքենայից։

Այժմ այդ տեղեկությունը հաստատել է Պենտագոնի ղեկավար Լեոն Պանետան։ Պանետայի խոսքով՝ միջադեպի մասնակիցները «խստորեն պատժվել են»։

ԱՄՆ ՊՆ ներկայացուցիչը պարզաբանել է, որ միջադեպի մասնակից են եղել Բրազիլիայում ԱՄՆ դեսպանատան երեք պահակները և դեսպանատան մեկ աշխատակից։ ԱՄՆ քաղաքացիները մեքենայի ընթացքի ժամանակ մարմնավաճառուհուն դուրս են հրել մեքենայից, և նա, ցած ընկնելով,  կոտրել անրակոսկրը։

Հիշեցնենք, որ ավելի վաղ՝ ապրիլին, ԱՄՆ Գաղտնի ծառայության գործակալները ներքաշվել էին մարմնավաճառուհիների մասնակցությամբ մեկ այլ սկանդալի մեջ։ Կոլումբիայի մայրաքաղաք Կարտախենայում տեղի ունեցած միջադեպի հետևանքով 9 գործակալ աշխատանքից հեռացվել է։