Քաղաքական

07.06.2012 17:30


ԲՀԿ–ն խումբ է ուղարկել սահմանամերձ գյուղեր

ԲՀԿ–ն խումբ է ուղարկել սահմանամերձ գյուղեր

Մեր ունեցած ստույգ տեղեկություններով՝ ԲՀԿ նախագահ Գագիկ Ծառուկյանը երեկ խորհրդակցություն է հրավիրել սահմանամերձ գյուղերի գնդակոծումների  և այնտեղ ստեղծված իրավիճակի կապակցությամբ:

Ծառուկյանը զարմանք է հայտնել առ այն, որ ո՛չ դիվերսիոն գործողություններից առաջ, ո՛չ դրանից հետո որևէ պաշտոնյա  օրեր, շաբաթներ շարունակ չի այցելում այդ բնակավայրերը, չի տեղեկանում ստեղծված իրավիճակին և առկա խնդիրներին:

Խորհրդակցության արդյունքում Ծառուկյանի հանձնարարությամբ ստեղծվել է ԲՀԿ պատգամավորներից կազմված աշխատանքային խումբ, որն անմիջապես մեկնել է Տավուշի մարզի սահմանամերձ գյուղեր:

ԲՀԿ ղեկավարը հանձնարարել է տեղում մարդկանց հետ հանդիպումներից հետո կազմել հրատապ խնդիրների ցանկը ու զեկուցել իրեն, որպեսզի «Ծառուկյան» հիմնադրամի միջոցներով դրանց լուծում տրվի:

«Մենք պետք է անենք ամեն ինչ, որպեսզի սահմանամերձ գյուղերի բնակչությունը իրեն մենակ ու լքված չզգա: Ես պատրաստ եմ անձնական միջոցներ ներդնել, որպեսզի մշակութային, կրթական, և ընդհանրապես քաղաքացիական կյանքն այդ բնակավայրերում ակտիվանա»,- ասել է Ծառուկյանը:

7or.am

Այս խորագրի վերջին նյութերը